باقيه للاعادة :)

[مالبورو أحمر]

مرحبا :ok:

رمضان كريم اولا

ثانيا هذي حاجة تشبه اليوميات من كثر ماهي موجعتن قلبي كتبتها :d

عاد استرو ماوجهتو تراني عليميه :ya7leelah:

هذي ياطويلين العمر قصتي مع اول سنة باقيه للاعادة الي قبل 3 سنوات :d

اول شيء واهم شيء دخول بوابة الكلية الموقره الي على بالهم جامعة هارفرد الحين :dry:

بعد ما تخطريت صدمت الرسوب والفشيله قررت ادوام اول يوم يقالي مجتهده :ok:

المهم قالو لازم تشترين بطاقة حقت البنات الراسبات زودن على الفشيله ياحب هالناس

للفاضيح :longtongue:


قلت ابشرو من وين قالو من عند رئيسة شؤون الطالبات قلت يابنت روحي لها

ورحت يالله تحاكين من طرف خشمه تقول معها دكتوراة وهي راس ماله معهد معلمات ياحظي :d

قلت معليش ابي بطاقة حقت الباقية للاعادة قالت هاتي 50 :humm:


قلت وش خمسين :blink: قالت خمسين ريال يعني وش ؟

الحين بطاقه كلها على بعضها ماتجي ب 3 ريال تبيعونها ب 50 :humm:

قالت تبين والا ما تدخلين لحرم الكلية اووووخص ياحرم :d

انا ويها مكاسر الي ما وصلت السعر ل 10 ريال :ok:

وشريتها ولله الحمد :d

المشكله ماهيب هنيا المشكلة في الدخول والخروج من حرم الكلية :ok:

من بكرة جيت كاشخه بالبطاقه ورازتها في البوك يقالك :ok:

الاقي حارسة الامن السكه تقولي مامنوع تخشين بهالبطاقه غيرناها :humm:

قلت على كيف ابوك تغيريونها وانا امس شاريتها :gam6ah:


قالت هذا القوانين والا قدامي على العميده ,<<<<< بلهجه بدوية :ok:مع اضافت الفتحه

في كل الكلمات

المهم طق ومطاق اليما دخلتني رحت مدرعمه على الرئيسه اقولها باي وجه حق تغيرون

بطاقتكم وانا امس شاريتها :d


قالت اشتري ثانيه يازينهم :ok: وشريت ثانيه ب عشرت اريل بعد فاضيه لهم انا وراي فاتورت جوال:7arrah:

جيت بطلع طبعا قبل الوقت الرسمي لاني خلصت من المحاضرات الاقي حارسة الامن

ثانيه تقول لي لازم بطاقة ابوك :humm: وجع الله ياخذكم بلا

وكلمت على ابوي وقلت جب البطاقه :ok:

عاد وانا طالعه الاقي وحده تجرني بعباتي تقولي تعالي وقعي قلت وش عليه

عسى ان شالله مسير المكافاات :d قالت لا توقيع الخروج

حشة والله ما صارت كلية كأني في وزاره:humm:

طلعت بسلام ولله الحمد بس وانا طالعه مسكني البواب يقولي من هذا الي تركبين معه :blink:


قلت ابوي :ok: قال من انتي بنته وجع يوجعك انت بعد :humm:


والله حاله :d

وهكذا طول سنة كامله مأسات مع الخروج والدخول

باقي في المذكرات كثير بس قصرت اكمل بكرة بحيل الله :ok:


مالبورو أحمر :rose:

[تراك أبطيت]

هلا مربولو .. والشهر عليك مبارك

لي بااااك بستقعد على الرد :ok:

برايفت للريّس ((خليك)): ورا ماتفتح قسم اسمه صدمات الجامعه

واجدين الأبطال مدري الضحـــايا فيذا أولهم كركديه ثمن مربولو :7arrah:

<< ماكنها جها شي ابد :humm:


لي باك بإذن الله

[بلقيس]

ابد يالغاليه كله كوم وكوم منع الصور بالبوك حتى لو صارت لاطفال
ولا البلوزه خفيفه
او قالت البلوزه ممنوعه فيها تنــتر
اشك بعمري اني لابسه فستان زواج فيه تنتر وهي كل مالها بلوزه عليها رسمه
(انا بهاذي الحاله اكون فاطسه ضحك ويودوني لشئون الطالبات اكتب مخالفه مو علشاني لابسه بلوزه فيها رسمه لا يعطوني مخالفه لاني مااحترم حارسات الامن الموقرات)
ومن العناد مااشتري الا هالنوعيه

انا عندي مذكرات وااااااااااجده عنهم وخاصه مع حارسات الامن الله لايبارك من حطهم
تصدقين عندنا حارسة امن اشك انها هي العميده
لازم كل صبح اتلاعن انا وياها

الله يعينا وياك يامالبورو اصفرا

[سبيقه]

تعالي تعالي يا مالبورو:shy: بظمس ولوس بكت دخان:tongue:

اولا علينا وعليتس وجلعتس من صوامه وقوامه وخذي ذي قبل كل شي:rose:

وذي ثانيه ما تغلا عليتس:rose: <<< متعاطفه وبشده:(

يا حليلتس اجل اول سنه تعيدين:( اهلا بركب العائدات اهلا وسهلا:humm:

معاك هامور في ذي الامور :coolsmoker:

اجل ما ابعدتي واجد شكلتس من بنات الجيران:tongue:


اذا على اذن الخروج والبهذله اللي أكلتيها فالله يعوضك وخيرها في غيرها

انا عن نفسي منيب اطلع ابد ولو جيت بيوم اوف

لاني اعرف اني مب طالعه الا بالعافيه:yestahbel: << هذي الحين هامور ومدري وشو:longtongue:شكلها سمكة زينه ذي:(


الغريب في القصه

انهم مالحقوك للسياره وخلو ابوك يطلع ويحلف ثلاث مرات انه ابوك:humm:

والا ارسلو وحده من المسؤلات تشوف اللي برا يشبه لك والا لا:yestahbel: << مب لهدرجة عاد استحي على وجهتس:longtongue:


المهم بس لايضيق صدرتس وانا عندي اقتراح

ابد جهزي لس ترمس قهوه عشان لامنتس فضيتي تقهوي لين يفتحون هالبوابه

وان كانس ماله صدق ناديني اتقهوى معس ترى مهنا مشكله الحال من بعضه

الا تعالي,,بسألس

عندكم بطاقات عائدات يعني الا بيفشلونكم غصب:(

لا عاد احنا ماعندنا والا كان كتبو على بطاقتي ( اللمبي:tongue:)

سلام يا قميييل:rose:

:coolsmoker::coolsmoker:

[كركديه]

يا هلا ويا مسهلا

اسفرت وانورت واستهلت وامطرت

حبيبتي الله لا يلومك الحال من بعضه شوفي معاناتي في قسم بروكلين

الله يصبرنا

سلام يا دوفي دوف<<احبه اموت فيه احلى من مالبورو احمر حق الهنود قولي ابيض على الاقل هع

عشاني حبيتك بسميك دوفي دوف<<دلع

[مالبورو أحمر]

هلا مربولو .. والشهر عليك مبارك

لي بااااك بستقعد على الرد :ok:

برايفت للريّس ((خليك)): ورا ماتفتح قسم اسمه صدمات الجامعه

واجدين الأبطال مدري الضحـــايا فيذا أولهم كركديه ثمن مربولو :7arrah:

<< ماكنها جها شي ابد :humm:


لي باك بإذن الله

هلا والله :rose:علينا وعليك

ايه والله ليته :7arrah: فضايح الكليات والجامعات شيء دسم :ok:

نحتريك اجل :coolsmoker:

[مالبورو أحمر]

ابد يالغاليه كله كوم وكوم منع الصور بالبوك حتى لو صارت لاطفال
ولا البلوزه خفيفه
او قالت البلوزه ممنوعه فيها تنــتر
اشك بعمري اني لابسه فستان زواج فيه تنتر وهي كل مالها بلوزه عليها رسمه
(انا بهاذي الحاله اكون فاطسه ضحك ويودوني لشئون الطالبات اكتب مخالفه مو علشاني لابسه بلوزه فيها رسمه لا يعطوني مخالفه لاني مااحترم حارسات الامن الموقرات)
ومن العناد مااشتري الا هالنوعيه

انا عندي مذكرات وااااااااااجده عنهم وخاصه مع حارسات الامن الله لايبارك من حطهم
تصدقين عندنا حارسة امن اشك انها هي العميده
لازم كل صبح اتلاعن انا وياها

الله يعينا وياك يامالبورو اصفرا



اوووه عندي مواقف كثير مع الصور جايتك بها :ok:

والبلايز حكايه ثانيه تصدقين تمسكني تقول بلوزتك تطلع شفافه في الشمس :d

آمين وتراني احمر مش اصفر :ok: احلى في الطعم

[مالبورو أحمر]

تعالي تعالي يا مالبورو:shy: بظمس ولوس بكت دخان:tongue:

اولا علينا وعليتس وجلعتس من صوامه وقوامه وخذي ذي قبل كل شي:rose:

وذي ثانيه ما تغلا عليتس:rose: <<< متعاطفه وبشده:(

يا حليلتس اجل اول سنه تعيدين:( اهلا بركب العائدات اهلا وسهلا:humm:

معاك هامور في ذي الامور :coolsmoker:

اجل ما ابعدتي واجد شكلتس من بنات الجيران:tongue:

هلا وغلا :rose:

بالاحضان يابعد عيني :7arrah:

ايه والله ياوخيتي اول سنة انا الحين تخرجت واتفتكيت :ok:

هذي كانت في اول سنة <<<< كسلانه :d


اذا على اذن الخروج والبهذله اللي أكلتيها فالله يعوضك وخيرها في غيرها

انا عن نفسي منيب اطلع ابد ولو جيت بيوم اوف

لاني اعرف اني مب طالعه الا بالعافيه:yestahbel: << هذي الحين هامور ومدري وشو:longtongue:شكلها سمكة زينه ذي:(


الغريب في القصه

انهم مالحقوك للسياره وخلو ابوك يطلع ويحلف ثلاث مرات انه ابوك:humm:

والا ارسلو وحده من المسؤلات تشوف اللي برا يشبه لك والا لا:yestahbel: << مب لهدرجة عاد استحي على وجهتس:longtongue:

هههههههههههههههههههههههه

حلوه يشوفونه هو يشبهني اولا :ok:

المهم بس لايضيق صدرتس وانا عندي اقتراح

ابد جهزي لس ترمس قهوه عشان لامنتس فضيتي تقهوي لين يفتحون هالبوابه

وان كانس ماله صدق ناديني اتقهوى معس ترى مهنا مشكله الحال من بعضه

يابعد حيي القهوة ممنوعه عندنا في حرم الكلية :ok:

والا قلبي يفرك خصوصا في الشتا ودي بقهوة او شاهي


الا تعالي,,بسألس

عندكم بطاقات عائدات يعني الا بيفشلونكم غصب:(

لا عاد احنا ماعندنا والا كان كتبو على بطاقتي ( اللمبي:tongue:)

سلام يا قميييل:rose:
:coolsmoker::coolsmoker:


ايه والله حتى لونه اصفر يقولون عشان نميزكم :d مالت عليهم

حيها :rose:

[اهاا بس اهاا]

شدتني هالنقطة

اول شيء واهم شيء دخول بوابة الكلية الموقره الي على بالهم جامعة هارفرد الحين

هههههههههههههههههههههههههههههههههههههه
مرة من المرارير كنت اسأل واحد بأي جامعة يدرس .. انا ادري بأي جامعة بس ناسي
المهم قالي جامعة اكسفورد محمد بن سعود :d


لي باكـ يالحمــراء

[مالبورو أحمر]

يا هلا ويا مسهلا

اسفرت وانورت واستهلت وامطرت

حبيبتي الله لا يلومك الحال من بعضه شوفي معاناتي في قسم بروكلين

الله يصبرنا

سلام يا دوفي دوف<<احبه اموت فيه احلى من مالبورو احمر حق الهنود قولي ابيض على الاقل هع

عشاني حبيتك بسميك دوفي دوف<<دلع


هلا فيك اكثر يابعدي :rose:

المكان منور بأهله يابعد عيني :7arrah:

شفته ياهي مُعناة هالجامعات :humm:

والدفي دوف ماهنب انا وياه بولايف بس عشانك بحبه :7arrah:

حبتك العافيه يابعدهم :galb:

[مالبورو أحمر]

شدتني هالنقطة



هههههههههههههههههههههههههههههههههههههه
مرة من المرارير كنت اسأل واحد بأي جامعة يدرس .. انا ادري بأي جامعة بس ناسي
المهم قالي جامعة اكسفورد محمد بن سعود :d


لي باكـ يالحمــراء

هههههههههههههههههههههههههه

اجل اكسفورد تجميع سعودي :ok:


نحتريك :rose:

[مالبورو أحمر]

نرجع لسالوفتنا :ok:

بعد مشاكل الدخول والخروج من حرم الكلية نشبت في مشكلتن ثانيه :longtongue:

الزي والتفتيش الصباحي الغثيث :d

اول يوم داومت عطتني ورقتن وش طولها فيها الالوان المسموحه والزي

قلت كان حطيتو مريول وريحتونا قالت وش .؟ قلت سلامتك مهناش :ok:

في الورقة مكتوبن بلايز بيض اي بيضاء اللون وانا لبست مثل ماقالو بيضا ساده

مافيها شي بس العيب الوحيد اني اذا وقفت في الشمس صارت شفافه :d

يقلع وجهك هذا عذر بالله وجلس مناقر انا وياها في الاخر ودتني لرئيسة شؤون الطالبات

قالت مو هب عيبن عليك تتطاولين على حارست الامن :humm:

وجع والله ما تطاولت هي الي تلعن في ابوي وجدي الله ياخذها:gam6ah:

قالت لا يالله هاتي بطاقتك <<<< ذيك الي خبركم :ok:

ليه طيب ؟ قالت عشان نسوي لك غياب في كل المحاضرات :humm:

شكله في وجيهكم الحين جايتن من صبح الله عشان تغيبوني :blink:

كلمه وكلمه منا وقلت طيب بطلع ما ابي اجلس لا شغل ولا مشغله قالت ممنوع

قبل الساعه 10 وهي توها 8 :d قلت يابنت روحي صبري نفسك بأيت شي اليما

تجي 10 ..

تصدقون بالله مافيه مكان اجلس فيه اقصد مكان يقيني حر الصيف السعودي :ok:

المكتبه ولله الحمد مسكره من سنة جدي ولها سالفه اقولها بعدين :7arrah:

والمصلى يقولون ممنوع في غير وقت الصلاة جعلها في وجيهكم :d

عاد وين تقعدين يااحمر ووين وين مالقيت غير سجادة مهتريه مذبوبتن عند باب المكتبه :ok:

خذتها وفرشتها وتحمدت ربي وتربعت وانا اتتطمش في خلق الله وكل من مر تحمد ربه :d

يحسبوني شحاذه اظاهر :longtongue:

وهكذا الي ما جات الساعه 10 ولله الحمد :ok:

قمزت ومع عباتي وبطاقتي عشان بطلع الاقيها تقولي وقعي وهاتي الشنطنه نفتشها :d

ياساتر عليكم وش بجيب مخدرات يعني :humm:

او وش باخذ من الكلية اساسا :d

بعد نص ساعه طلعت سليمه الحمدلله ولا فيني شي ناقص لا يد ولا رجل

بس النفس في طرف الخشم وشوي واصيح ماصارت هالمرمطه كل يوم :blink:

لي تكمله :ok:

مالبورو احمر :rose: