ليش السعوديين لا

[كركديه]

هلا وغلا<<مقدمه

اليوم سمعت شي رفع ضغطي بس بصراحه ما ادري عن صحة الخبر

لان المصدر اخوي

يقول اخوي المصون ان كل دول الخليج تعطي مرتب شهري لجميع العاطلين عن العمل

صغار وكبار

الا السعوديه:( ليه حراااام لو صار الخبر صح

واهنا وش معنا كل دول الخليج الا احنا

المفروض السعوديه اول دوله تعطي شعبها العاطلين عن العمل رواتب

ما راح يصير شي اصلاً في الاخير بترجع للحكومه

لانها بتروح في تسديد الجوال :7arrah:

بس على الاقل نحس انهم مهتمين فينا

يا زين قطر بس اهم شي عندها راحت الشعب <<كني قمت اخمبق


تعديل>>والله السعوديه ما تقصر بس يمكن ما جاء على بالها:gam6ah:

يارب يصير خبر اخوي خطاء عشان ما يضيق صدري

زينا زيهم :d

:rose:سلاااااااام:rose:

[AhMaD]

من جد بدت خنبقة مدري وش تبي


الله يستر عليك بس كركديه << ترا قصم ما اعرفها هههههههههه


لا جد


لا جينا للحق قهر

بس ما تحسين ان هالشي بيخلي النااس ما تشتغل و تقعد ببيوتها و بيسبب هالشي نسبة عطالة كبيرة


عشاان اصلا كل القطرين بقطر ما يجون 50 بالمية هذا واحد يعني العدد قليل مرة

بس ما نقوول الا الله يوسعها علينا و يرزقنا 50% :)

شاكر و مقدر طرحك للموضوع ولي بااك لا افطرت :d

[اهاا بس اهاا]

معليش كركديه بضيق صدرتس

الخبر شبه صحيـح .. ولي عـودة عقب الفطـور وعقب ماتزين النفس
لأن لو رديتي والنفس خايسة .. بصير ارد عليكـم وانا حاط رجل على رجل في عليشـة :d


BrB


××

بــاكـ

//

والله شوفي ياكركديـه

ليه بس السعوديـة اللي ماتصرف رواتب للعاطليـن .. لأن آغلـب افـراد الشعـب
يبي دراهـم بـلا عمـل

يعني انا على راس عمـل حاليـا .. راتبي حليـل .. لكـن دايمـا آتذمـر من إن الشغـل واجـد
ودايـم اقول راتبي مهب على قد الشغل اللي اشتغله
مع إن دوامي كله على بعضـه مايجي ساعتيـن .. هذا إن كان فيه ضغط عمـل

يعني فينـا عـادة نبي راتـب بلا عمـل .. ولو اقـروا هالقـرار عندنـا
راح يعطـل ثلاث اربـاع الموظفيـن .. وانا على راسهـم

مادام راح يجيني راتـب وانا جالس اقلب كرشتي بالبيـت .. وشوله اكرف عمـري واسوي اني الرجـل المخلص لـ عملـه

هالشيء يعنـي بـ يكـون دافـع لـ العاطليـن بـ أنهم يخلـون البسـاط احمـدي .. مكاتب العمـل ماحدن بيقبـل عليهـا .. بيقفلون شيء اسمـه وزارة العمـل والعمـال

خلاص بيكون كل الشغـل لـ الاجانب .. والسعوديين مريحيـن بـ بيوتهـم


لو نجي ونشـوف الكويـت .. كم عـدد السكـان !؟ وكم عـدد العاطليـن منهـم .!؟ وكم عدد الاجانب اللي ماسكين الشغـل .. يعني ماطبقوا النظام اللي نسمعه ولا نشوفه .. السعودة .. بس عندهم الكويته :d

لو نجي نشوف البحريـن .. كم عدد سكانهم !؟ وكم عـدد العاطليـن منهـم !؟ وكم نسبـة الاجانـب اللي ماسكيـن الشغـل عندهـم بعـد !.؟

ونفس الكـلام ينطبق على كل الدول اللي تسوي هالشيء


قبل مادري كم .. طرح هالموضوع في مجلـس الشـورى .. إنه يتم صرف رواتب للشباب العاطل .. عندنـا .. وطلعت إشاعات إنه تمـت الموافقـة عليـه .. والله العظيـم اعرف اربعـة شبـاب واحـد منهـم آخـوي .. فصلـوا من وظايفهـم .. ليــه طيـّب !؟

عشانهم سمعوا مجـرد سمـاع إنه راح يتم تطبيـق هالقـرار .. بـ صرف مرتبـات لـ العاطليـن

اللي اقترحوا هالشيء .. ماقصروا وجزاهم ربي كل خيـر .. يبون يعفون الشباب من كثرة السؤال ومنة الناس عليهـم

بس مافكروا في عواقب هالاقتـراح .. وش راح يخلف هالاقتراح .. يعني عندكـ انا مثلا لو اقدم استقالتي من وظيفتي .. راح تكون مصيبـة للدولة إنهم خسروا شاب كفو <-- اشوا انهم ماطقوا لك خبر .. الا انت وين تشتغل !؟


غير كذا ياكركديـه .. ترانا شعـب ماينعطى وجـه قسـم بالله .. شيـون وقويين عيـون
لو طبقوا هالاقتراح .. وحددوا الرواتب حسب الاعمـار .. والله ياكم واحدن بيشوف له واسطة عشـان يكبر عمرهـ وياخذ زيادة .. مثلها مثل العادة السنوية اللي كل سنة يجيك مبلغ وقدرهـ

والآن فيه مباحثات من تحت الطاولة .. إنهم يرجعون ويقترحون هالشيء مرة ثانيـة
بس إن قاله الله .. ماراح يطبق ابـدا
بدال مايسعوون لا يجاد اكبر نسبة بطالة .. ياليتهم يسعوون لا يجاد اكبر نسبـة سعودة


شاكرلكـ هالموضـوع ياخيتي

بالتوفيـق للجميـع

اهاا بس اهاا

[!«شقـى حالي»!]

لا هالخبر مب صحيح
انا من الامارات .. وعندنا عاطليين عن العمل
بس محد يعطييهم مرتب شهري

[خليك بالشارع]

انا الي متأكد منه ان الكويت تصرف هالراتب التصبيري لشبابها العاطلين عن العمل ولكنه رمزي جداً ومستحيل يفتح فيه الشاب بيت ويصرف منه على اسره .. بس الظاهر انه مهوب يصرف لواحد مخلص دراسته وقاعد في بيته ولا قدم على وظايف! علشان ما يصير هالراتب دعم للبطاله والخنبقه في البلاد .. اتوقع من شروط صرف هالراتب التصبيري ان يكون الشاب العاطل مقدم على وظايف وقاعد يحتري وظيفه تجيه بس تو ما حالفه الحظ ..

[بلقيس]

مانبي رواتب بدون مقابل

نبي شبابنا يتوظفون

والله البطاله ذبحتهم وفسدتهم

[EHTMAMATE]

^ـ^

موضوع ان العاطل يصرف له راتب ^ـ^ هذا شي مو في مصلحه المواطن اولا ولا لمصلحه الدوله؟

فلو قمنا باعطاء راتب ^ـ^ للعاطلين ^ـ^ راح نشوف الكثير راح يعطل؟

لانه موب لاقي وظيفه واحتمال يترك الدراسه من الثانويه ويقول بعطل واضمن راتب 1000 ريال
لين يحلها الله ؟

لان تفكير اغلب الشباب السعودي في الوقت الحالي كيف اعيش يومي؟

ماصرنا نفكر في المستقبل؟

وصرنا نمشي مع قالوا وقلنا مافيه وظايف ولا فيه عمل؟

انا كنت من الناس اللي يتذمرون قبل لكن بعد مشاهدتي للواقع

شفت ان الوضع غير؟

بختصرها في سالفتين ؟

رحت لاحد المقاهي اللي بالتحليه ^ـ^ على اساس اني افكر افتح قهوه ^ـ^
يعني بسأل من اين تؤكل الكتف وش يبي الوضع ومن هالكلام

الزبده خذت موعد مع صاحب القهوه. والموعد كان في ستار بكس ^ـ^
ع الكراسي برا الشارع.

المهم اني رحت وقعدت انتظره من بعد الساعه 10 مساءً وقعدت لين 45
وماحد عطاني رنه ^ـ^. وماحبيت ازعجه قلت اذا فضى هو اكيد بيدق علي

الشي المضحك ان اللي واعدته صار خاش القهوه بعدي بدقايق وانا شايفه وجها لوجه ^ـ^
وقام هو قعد ^ـ^ وفكر نفس تفكيري ماحب يتصل الا لين اتصل انا ^ـ^

الزبده عرفنا بعض بعد ضحكات مدويه ^ـ^

اخونا طلع فلسطيني ^ـ^ وهو اللي يديرها وتقريبا له ^ـ^
ماصدقت ^ـ^ المهم
سولفنا كثير وطبيت في امور ماليه من ضمنها كنت اسأله
كم يدخل الكافي عندك قال ربح صافي مايقارب 90 الف ريال؟
اعطي المالك منها 30الف ريال شهريا والباقي تقريبا لي ؟؟؟؟؟

انا فقيت خشتي قلت 60 مع رواتب العمال ومسلتزمات القهوه والايجار
قال العقار للمالك . ورواتب العمال ومسلتزمات الاخرى علي انا ؟
قلت يعني تطلع انت شخصيا بكم قال تقريبا بحوالي 50 الف ريال

زبده هالسالفه ان هالاجنبي يشتغل وانسان بزنس ؟

لانه اول ما اشتغل في الرياض ع حسب كلامه في ايام ازمه الكويت
اشتغل بنشرجي في الصناعيه ؟ ثم انتقل لدهان في طريق الملك عبدالعزيز

ثم اشتغل تبع مؤسسه في الدهانات والديكور ثم انتقل للعمل في الشرقيه
في مصانع الزامل ثم رجع للرياض وتعرف على هذا الشاب السعودي مالك المقهى

وعرض عليه الفكره ووافق ثم اشتغلوا سوا وبنو مشروعهم ؟

هل فيه احد ^ـ^ من الشباب السعودي بيسوي كذا ؟

يعني بيكافح لين يرزقه ربي ؟


حنا يانبي وظيفه مكتبيه وبراتب 5000 والا موب لازم ؟

اضف الى ان ماعندنا جلد وصبر نبي الدنيا بسرعه ؟


والحل في الموضوع ^ـ^ موب اعطاء رواتب بل ايجاد فرص عمل متعدده

واغلاق بعض التخصصات اللي مالها سنع ^ـ^ مثل علم النفس وطقته.

[AhMaD]

<< اتفق معك

بس ما تشووف ان الشبااب السعودي لو لقا الفرصة المناسبة كان سووا اكثــر من هالفلسطيني ،،


وبصراحة المؤسسات الحكومية او الاهلية كلها قاعدة تكسر بمجاديف هالشباب ،،

[كركديه]

يا لبى قلوبكم

انا اللي اقصده راتب رمزي شي بسيط يمشون حالهم فيه

والله كثرت سوالف العاطلين اللي سمعنا انه انتحر واللي قامو يسرقون

طيب نحد من هالفئه براتب بسيط يمشي حاله ويقضي يومه بدون ما يطلب من اهله فلوس

والله قويه رجال طول وعرض يأخذ من امه والا ابوه واحياناً اخته

ولا تعالو شوفو المساكين اللي عندنا في السعوديه يا كثرهم بدال ما نتصدق عليهم

تصرف الدوله لهم مرتب واعيد واكرر مرتب بسيط يفكهم من طلب الغير

يعني عاجبكم حال العاطلين عن العمل

اقل شي يعبي بانزين لسيارته او يسدد جواله

لين يلقى وظيفه

شاكره لكم جميعاً

[EHTMAMATE]

يا لبى قلوبكم

انا اللي اقصده راتب رمزي شي بسيط يمشون حالهم فيه

^ـ^

هنا يقع اللوم ع الاسره اولا ثم الولد نفسه

يعني اذا انا عاطل احاول اقلل من مصاريفي

يعني موب كل شهر فاتورتي تصير 500 ريال ؟

وموب لازم اشتري جوال كل 4 شهور ؟ او كل ماطلع موديل جديد شريته

وبدال ما اتعشى في المطاعم ؟
اكل في بيت امي ؟

وبدال ما اشرب مشروب من ستار بكس ب18 ريال
اقعد ببيت امي واسوي الكافي بيدني ويمكن اشتري نسكافه + كابتشينو + كريمه ب30 ريال

واسوي 50 كاس ^ـ^

شماغي وملابسي بدل ما اغسلها واكويها برااااا اقوم اغسلها واكويها بالبيت ^ـ^

اما بما يخص الاهل ^ـ^ يعطونه 200 ريال تكفيه كل شهر

ومع الوقت بيحس انه عاله ^ـ^ ثم بيقعد يدور شغل ولو بميلغ بسيط

المهم يمشي اموره لين يلاقي وظيفه صح ^ـ^


محمد

[AhMaD]

كركديه ،،

انا اخالفك الرأي تماما ،،

كرديه و انا اخووك اذا دوور بيلقى وظيفة

او يشتغل باحد هالسوبر ماركتات بنده ، يورمارشيه ، عثيم اقلها كاشير ب 2000 ريال او اكثر مدري

الين يلقى وظيفة ،،


يعني عمر الشغل ما كان عيب و بالعكس احسن من ان يطلب من ذا و لا من ذااك ،،


تحتي لك و لكن اذا حطوا هالمبلغ اللي يصرف شهريا والله لا يصيرون كل الشبااب عاطلين بيقولون دام هالفلوس جايتنا و حنا متبطحين ورااه نشتغل ،،


تحيتي لك


أحمد ،،

[كركديه]

مشكورين والله كأنكم اقنعتوني

بس والله راحمتهم احس مساكين

بس يمكن صح عليكم انتو شباب وتعرفون حركات الشباب

مشكورين جميعاً

[قرنـ!سة]

،
؛

.. كركديه ..

موضوع حلوو :galb: ..
لكن إنتي تطرقتي بـ الحل إنو يكون :
حالنا حال غيرنا من الدوول ..!

أنـآ من وجهه نظري ‘‘مانبي لآراتب رمزي
ولآ راتب للعاطلين عن العمل ..

هم بس يشيلون [ شرط الخبره ]
خيرر ونعمه صدقوني ..
يعني بالله واحد توه متخرج !
وفيه وظايف لتخصصه مطلوبه لكن المشكله
كلها تشترط الخبره اقلها 3 سنوات او 5 سنوآت :humm:

طيب أنـآا كيف ببدأ اشتغل إذا الكل
طالب خبره ومحد معطيني فرصه عشان يشوفون خبرتي :gam6ah:
مع العلم انو اكثر التخصصات فيها طبيق ميداني
هذي ماتسمى خبره :5eshah5abeetah: ؟؟!!

لو الدوله تلغي شرط الخبره
كان قل عدد كثير من العاطلين عن العمل وتيسرت امورهم :rose:

اعتذر للإطاله :shy:
وَ كل الشكرر لطرحك :rose: ..

،
؛

[كركديه]

مشكوره على ردك عزيزتي

هم بس يشيلون [ شرط الخبره ]
خيرر ونعمه صدقوني ..

معك حق

تحياتي لك ^^

[AhMaD]

والله من جد يا قرنااسة

هالخبــرة ذي مشكلــة ،،

بس ما حطووها الا يوم لقوا هالشبااب يجي و لا يشتغل ،،،

طال عمره يبي مكتب و مكيف و جرايد و اذا فيه شاهي احسن بعد ،،،

يعني انا اقصد لو مرة ما لقى شي بمكتب يدبر عمره باي شغله الين ياخذ خبراات،،،

بس المشكلة زي ما قلت لا تخرج الطالب من الثانوية دورله عسكرية و قال ايش خلاص تعبنوا من الدراسة ولازم يدورله شي يرتااح فيه ،،،

يعني الغلط من البداية من الشباب و انا لا اعفي بعض الجهات الحكومية و الاهلية اللي قاعدة تعجز فيهم و تجبرهم على العطاله والدجة و الدوران ،،


تحياتي للكل واتمنى يوصل الموضوع للمسئولين عشان يشوفون حل << متأمل خير الاخ خخ،،

[x616]

عاطلين عن العمل وينصرف لهم راتب هذي قويه شوي ^^
لكن عندنا في الامارات يعني ينصرف حق الشخص اول ماينولد يعني مبلع وقدره " ماعرف جم بالضبط "

وينقطع هذا الشي اذا الولد اشتغل واذا البنت عرست ^^

والغرض من هذا مساعده الاهالي .. =)

[Memo]

لكن عندنا في الامارات يعني ينصرف حق الشخص اول ماينولد يعني مبلع وقدره " ماعرف جم بالضبط "

هيه, احيد يوم امايه قالت لي هالسالفه...

سرت عند ابويه وقلت له: ع بالك ما دريت!!! يلا هات بيزاتي اللي من الحكومه


كان بيعطيني طراق محترم ,><

[»Mя.Ĥάşţяĥ«]

هذه مقارنة للوضع المعيشي العام بين دول الخليج
تم احتساب التكاليف بالريال السعودي , وإن لم تكن بعضها صحيحه لأنهآ مثل ما يقولون كلام نت لا راح ولا جا :)


الإمارات العربية المتحدة
الحد الأدنى للراتب الأساسي في القطاع العام و الخاص هو : 8500 ريال
راتب العاطل عن العمل : 3700 ريال
منحة لكل متزوج : 50.000 ريال
أرض مجانية فورية لكل متزوج وقرض سكني بلا فوائد وقدره مليون ريال ويستلمه خلال أسبوع من اعتماد عقد الزواج
راتب عن كل مولود : 300 ريال شهرياً وحتى يصل المولود لسن 18 عاماً
قيمة جواز السفر : 20 ريال
قيمة رخصة القيادة : 10 ريال
الكهرباء : 30 ريال شهرياً ثابتة
الماء : مجاناً
قيمة الإقامة للأجانب : 200 ريال كل 5 سنوات



سلطنة عمان
الحد الأدنى للراتب الأساسي في القطاع العام و الخاص هو : 7150 ريال
راتب العاطل عن العمل : 2000 ريال
منحة لكل متزوج : 40.000 ريال
أرض وقرض قدره نصف مليون ريال ويحصل عليه المتزوج خلال مدة أقصاها 6 أشهر من عقد الزواج
راتب عن كل مولود : لا يوجد
قيمة جواز السفر : مجاني
قيمة رخصة القيادة : مجانية
الكهرباء : 90 ريال ثابتة
الماء : مجاناً
قيمة الإقامة للأجانب : 100 ريال كل 3 سنوات




قطر
الحد الأدنى للراتب الأساسي في القطاع العام و الخاص هو : 9.000 ريال
راتب العاطل عن العمل : 5.000 ريال
منحة لكل متزوج : 100.000 ريال
أرض وقرض قدره مليون ونصف ويحصل عليه المتزوج خلال 48 ساعة من توقيع عقد الزواج.
راتب عن كل مولود : 500 ريال لأول 4 مواليد فقط، وحتى يصل المولود لسن 15 عاماً
قيمة جواز السفر : 30 ريال
قيمة رخصة القيادة : 20 ريال
الكهرباء : مجاناً
الماء : مجاناً
الهاتف الثابت للمكالمات الداخلية : مجاناً
هدية رمضان + عيد الفطر : 5000 ريال
هدية عيد الأضحى : 2500 ريال
قيمة الإقامة للأجانب : 40 ريال كل سنتين




الكويت
الحد الأدنى للراتب الأساسي في القطاع العام و الخاص هو : 8000 ريال
راتب العاطل عن العمل : 3.000 ريال
منحة لكل متزوج : 70.000 ريال
أرض وقرض قدره 700.000 ريال ويحصل عليه المتزوج خلال سنتين من توقيع عقد الزواج، والدولة تتكفل بدفع ايجار السكن خلال فترة انتظاره للأرض و القرض.
راتب عن كل مولود : 350 ريال لأول مولودين فقط، ولمدى الحياة
قيمة جواز السفر : 20 ريال
قيمة رخصة القيادة : 20 ريال
الكهرباء : 40 ريال ثابتة، قابلة للزيادة في فصل الصيف
الماء : مجاناً
هدية رمضان : 2000 ريال
هدية عيد الفطر : 2000 ريال
هدية عيد الأضحى : 2000 ريال
هدية اليوم الوطني : 2000 ريال
والهدايا الأربع تُعطى لجميع المواطنين دون استثناء لمن هم فوق سن الـ 21 سنة
قيمة الإقامة للأجانب : 250 ريال سنوياً




البحرين
الحد الأدنى للراتب الأساسي في القطاع العام : 1000 ريال
راتب العاطل عن العمل : لا يوجد
منحة لكل متزوج : لا يوجد
أرض وقرض قدره 150.000 ريال ويحصل عليه المتزوج خلال 5 سنوات من توقيع عقد الزواج، وفي حال انتهت الـ 5 سنوات ولم يحصل على الأرض و القرض تتكفل الدولة بدفع ايجار السكن.
راتب عن كل مولود : لا يوجد
قيمة جواز السفر : 100 ريال
قيمة رخصة القيادة : 30 ريال
قيمة الإقامة للأجانب : 100 ريال سنوياً





السعودية
الحد الأدنى للراتب الأساسي في القطاع العام و الخاص هو : لا يوجد حد أدنى معلن
راتب العاطل عن العمل : لا يوجد
مساعدة لكل متزوج : 30.000 ريال ويجب عليه تسديدها، ولا تُعطى إلا بكفيل
قرض سكني قدره 300.000 ريال ويحصل عليه المواطن في احسن الأحوال بعد 25 سنة من تقديم الطلب، والجدير بالذكر انه لا يحق له تقديم طلب القرض إلا بعد امتلاك الأرض.
راتب عن كل مولود : لا يوجد
قيمة جواز السفر : 300 ريال ، تم تخفيضه مؤخراً إلى 150 ريال
قيمة رخصة القيادة : 75 ريال
الكهرباء : الأعلى على مستوى العالم
الماء : الأعلى على مستوى العالم
قيمة الإقامة للأجانب : 1000 ريال ( ويعتبر اعلى ضريبة اقامة في العالم )


ضرائب انفرادية
السعودية تعتبر الدولة الخليجية الوحيدة التي تأخد ضرائب على الأمور التالية :
1- ضريبة على لوحة "الدكان" أو المحل التجاري.
2- ضريبة على إصدار وتجديد و الإشتراك بـ السجل التجاري.
3- ضريبة على مرور الشاحنات في الطرق السريعة (( ضريبة وزن الشاحنات )).
4- ضريبة 30 ريال شهرياً للهاتف سواءً استخدمته ام لم تستخدمه
5- طيعا ً غير القسايم المروريه اللي كسرت ظهر الشعب !! :d

دمتم شعبا ً سعوديا ً مخلصا ً لوطنه ومليكه :d

[x616]

خرررررررررررررررررررررررررررررررررررررررط " جذب "

كل المعلومات ××× في ××× وعلى قولتك كلاام نت ..

[مبتسم]

انا ما ادري عن صحة الخبر


لكن انا اشوف انها صعبه انك تصرف على كل شخص من ناحيتين

الناحيه الاولى

ان الشعب السعودي كسول يعني لو صرفت لكل شخص

راح يكون عزوف عن العمل من قبل اشخاص كثر ..!

الناحيه الثانيه

من الصعب ان تصرف الدوله على كل شخص

يعني نحن السعوديين لا نقارن مثلا بشعب الكويت ولا البحرين..!



يعني انا الشوف انه يكون


الصرف لاصحاب الاعاقات هم الي يحتاجون اكثر


لان اي شخص يقدر يشتغل ويعيش الا هم ..


هذي وجهة نظري

تقبلي مرري اختي كركديه

[ra3i mazaj]

سلآلآلآم ..

ياليتها تصرف
على لسان احد العاطلين

ليه ؟!
اقولكم ليه .. لاني عاااااااااااااااااااااااااااااطل
وأنا أُيد تطبيق صرف مبلغ رمزي للعاطلين .. والاخوان اللي يتفلسفون < رأيهم وأنا احترمه بشدهـ اقولهم اللي ايده في النار مو مثل اللي ايدهـ في الماء
انا قرأت الموضوع وردود الاعضاء وتعجبت من بعضهم يرفض هالفكرهـ
أنا هنا بسأله
ليييييييييه تكرهـ الخير للناس ؟
يا اخوان الرسول عليه الصلاة والسلام قال : " لايؤمن أحدكم حتى يحب لأخيه ما يحب لنفسه "
يعني إذا أنت تحب الخير لنفسك
فهذا المبلغ البسيط جداً ( خير لكل عاطل وعاطله ) ورآح اسرد فوائد هذا المبلغ في ردي لاحقاً
وبعدين سؤال ثاني أنت بتصرفها من مالك الخاص ؟!
وأتعجب بعد من كلام بعضهم .. بمعنى إن العاطل اذا صُرف له المبلغ .. لن يبحث على وظيفه !
الحمد الله على نعمه وهو يستحق الحمد وأكثر لكن 1000 ريال لاتُغني ولاتسمن من جوع !! كمرتب دائم !

أول شيء
صرف هذا المبلغ لابد ان يكون وفق ضوابط معينه
يعني يكون هناك دارسة واقعية وحقيقية وجمع كل العاطلين وحصرهم إما عن طريق مكاتب العمل أو أي جهة حكوميه أخرى
واحب ارد على احد الاخوان اللي يقول لو صُرف هذا المبلغ راح افصل من وظيفتي !!
لو كان هناك دراسة جيدة لموضوع صرف المبلغ
اقوله فـ المشمش يُصرف لك هذا المبلغ 
يعني قبل تطبيق قرار صرف المبلغ يكون هناك دراسة شامله عن طريق التأمينات الاجتماعيه للموظفين( اللي مو مسجل فيها يسجل غصب عنه )
بكذا راح نحصر ونعرف الموظفين عن طريق التأمينات الاجتماعيه هنا أي أحد من هؤلاء الموظفين قام بترك وظيفته بعد صدور قرار صرف المبلغ للعاطلين ليستلم مبلغ الـ 1000 ريال وهو نايم في البيت ( لايُصرف له المبلغ إطلاقاً )

أنت ياللي لااتؤيد صرف المبلغ بسألك تعرف كل العاطلين اللي في البلد ؟!
وتتوقع محد يحتاج هذا المبلغ ؟!
ياهووه فيه ناس يعتمد على بابا وماما ويعطونه اللي يبي
وفيه ناس ماتقدر تسوي شي يعني فقران ومنتف وحالة اهله حاله
وفيه ناس تستحي تطلب من اهلها
وفيه ............................. الخ

اما فوائد هالمبلغ الرمزي
مثلا في تقديم في مدينة معينه بعيدة عن المدينة التي يسكنها هذا العاطل .. هنا راح يستفيد من الملبغ المصروف له .. وبيصرف على نفسه بهذا المبلغ يعني اكل وشرب وسكن و مواصلات
طيب هنا بسأل إذا هذا العاطل حالته الماديه ماتسمح انه ياخذ من اهله فلوس كل شوي عشان يروح يقدم في مدينة بعيدة عن المدينه اللي يسكن فيها
هنا مايكون هذا المبلغ فيه خير للعاطل ؟!
ويكون دافع له انه يبحث اكثر

اقسم بالله انه لو تطبق هذا القرار بيستفيد عاطلين كثييييييييييييييييييييييييييير

وهنا سؤال آخر من هم اكثر العاطلين ام طلاب الجامعات والكليات ؟
إذا كان الطلاب أكثر
فهم تصرف لهم مكافأت شهريه
لماذا إذاً لاتصرف للعاطلين وهم اقل عدداً من الطلاب ؟؟!!
في الاخير على الاقل
يُصرف هذا المبلغ سنه فقط للعاطلين يعني يكون الواحد يقدر يسافر اكثر من مدينه ويقدم على وظيفة ربما تصيب وقتها ويرزقه الله براتب حلو

مانبي هالمبلغ شهري على الاقل كل شهرين !!

من حقنا يساعدونا وش ذنبنا درسنا وتعبنا وآخرتها ناكل هواء !!!!!!!
وفي الاخير .. كل واحد منا وربي يبي يخدم هالوطن


آسف على العصبيه الزائدهـ في البدايه وآسف على الإطاله والتخبييييييييييييص 
واتمنى محدش يزعل مني .. لكن والله مايحس بتعب العاطل الا اللي عاطل مثله

أتمنى الدعاء له :ok:


على لسان احد العاطلين
<< في خاطرهـ لاحقك يا سامي :blink:



:rose:

[شمسه999]

السعودية
الحد الأدنى للراتب الأساسي في القطاع العام و الخاص هو : لا يوجد حد أدنى معلن
راتب العاطل عن العمل : لا يوجد
مساعدة لكل متزوج : 30.000 ريال ويجب عليه تسديدها، ولا تُعطى إلا بكفيل
قرض سكني قدره 300.000 ريال ويحصل عليه المواطن في احسن الأحوال بعد 25 سنة من تقديم الطلب، والجدير بالذكر انه لا يحق له تقديم طلب القرض إلا بعد امتلاك الأرض.
راتب عن كل مولود : لا يوجد
قيمة جواز السفر : 300 ريال ، تم تخفيضه مؤخراً إلى 150 ريال
قيمة رخصة القيادة : 75 ريال
الكهرباء : الأعلى على مستوى العالم
الماء : الأعلى على مستوى العالم
قيمة الإقامة للأجانب : 1000 ريال ( ويعتبر اعلى ضريبة اقامة في العالم )


ضرائب انفرادية
السعودية تعتبر الدولة الخليجية الوحيدة التي تأخد ضرائب على الأمور التالية :
1- ضريبة على لوحة "الدكان" أو المحل التجاري.
2- ضريبة على إصدار وتجديد و الإشتراك بـ السجل التجاري.
3- ضريبة على مرور الشاحنات في الطرق السريعة (( ضريبة وزن الشاحنات )).
4- ضريبة 30 ريال شهرياً للهاتف سواءً استخدمته ام لم تستخدمه
5- طيعا ً غير القسايم المروريه اللي كسرت ظهر الشعب !!

دمتم شعبا ً سعوديا ً مخلصا ً لوطنه ومليكه
ماأقول الا ياويلنا من الله في بلدنا وفي النعمة اللي ماحنا مقدرينها
اكثرشعب ينكت على نفسه وينقص من قدر النعمة اللي هو فيها هو شعبنا الحبيب الله يحفظه ويتوب عليه
متى نفهم, نفرق ,نوازن ,نناظر المسألة من جميع النواحي
يعني انت شف عدد سكان المملكة شف مساحتها شف الأولويات عند الدولة اللي هي مقدمة على رواتب تنصرف للعاطلين ماتشجع الا على الكسل والتواكل ..الدولة حاطة قوانين واعانات للمستحقين "فقط" لكن يمكن كثير منهم مايدري عنها وعشان كذا يظن انه فيه تقصير وهذا خطأنا احنا ما نسأل ولا نبحث ولا ندور.. على عمانا ونبي كل شيء يجي يطق علينا الباب .
وهذا مثال:

المصاب بفقر الدم المنجلي يصرف له إعانة سنوية

ضعف السمع يصرف له إعانة سنوية + سماعة

ضعف البصر الشديد يصرف له إعانة سنوية

جميع الإعاقات الجسدية يصرف له إعانة سنوية + كرسي متحرك

بتر في أطرف الرجلين أو اليدين يصرف له إعانة سنوية

الفشل الكلوي يصرف له إعانة سنوية

إضطرابات في القلب وعدم إستقرار الحالة بالعلاج يصرف له إعانة سنوية

المصاب بمرض السكري منذ الولادة يصرف له إعانة سنوية

التخلف العقلي بجميع مراحله يصرف له إعانة سنوية

مرضى التوحد يصرف له إعانة سنوية

المنغولي يصرف له إعانة سنوية
ويصرف للإعاقات المذكورة بطاقة تخفيض يستفيد منها المعاق في حالة السفر بالطيران أو القطار وشركة الاتصالات السعودية وغيرها. ويصرف للإعاقات الحركية كرسي متحرك عادي وكرسي متحرك كهربائي)) .

- يصرف راتب شهري ( من 1500 ريال – 3000 ريال )وذلك عن طريق جمعية الأمير سلطان للمعاقين.

- والمعاق المقصود به جميع الإعاقات المذكورة والمطلوب أن يكون لديه بطاقة أحوال ولا يعمل في القطاع الحكومي أو الخاص وهناك فرصة للمعاقين الحركيين بالتقديم عن طريق الإمارة بطلب سيارة خاصة للمعاقين.

- وللنساء الذين تجاوزوا سن الزواج والأرامل والمطلقات بشرط أنها غير موظفة يصرف لها راتب شهري عن طريق الضمان الاجتماعي. وللرجال الذين تجاوزوا سن الستين وليس لديه راتب تقاعدي ولا مؤسسة خاصة يصرف له راتب شهري على حسب عدد أفراد العائلة. والرجال الذين لم يتجاوزوا سن الستين وليس لديه راتب تقاعدي ولا مؤسسة خاصة ولديه تقرير طبي بتشخيص حالته بأنه لا يستطيع العمل يصرف له راتب شهري على حسب أفراد العائلة. والرجال الذين ليس لديهم وظيفة أو لديه وظيفة وراتبه أقل من 1700 ريال يصرف له مبلغ مرة واحدة فقط على حسب أفراد العائلة.وللأسف أن كل هذه الإعانات والمساعدات ليست من اليوم أو قبل سنة أو عشر سنوات .إنها موجودة من زمن بعيد ولكن البعض من أفراد مجتمعنا يستصغر تلك المساعدة والتي هي في الأساس من حق المعاق.

- علماً بأنه تم زيادة إعانة المعاقين 100% في شهر رمضان 1429هـ

عموما عشان ماتقولون هذا مجرد كلام هذي الإعانات حقيقية وأنا وقفت عليها عيانا
لدي أحد الأقارب مصاب بمرض نفسي "انفصام الشخصية الSchizophrenia" وهو لا يعمل ويصرف له من الدولة راتب شهري علما انه ولله الحمد ان حالته المادية ممتازة ومع ذلك صرف له باعتباره مريض وغير قادر على العمل .

[ســ حـا بة عز]

لايضيق خلقك ولاشي
احنا تحت سياسه حكيمه
صادقه بحكم اقامتي بالكويت فعلا يمشون للعاطلين 300 دينار وللمتزوج 450
طبعا غير بدل السكن الي هي 150دينار
وكمان يمشون للعوانس مبلغ لاباس به والمطلقات ايضا اما الارامل فراتب زوجها بالكامل
صحيح دول الخليج تقدم لشعبها مميزات لاكن صعب تقارنين دول الخليج بتعداد سكان المملكه
صحيح المملكه ارض خير وغنيه لاكن تتبع سياسه صعب ان تصرف للعاطلين

[غير الناس]

تعليق على رد شسمه الي حمسني ^^ اني ارد

اولا حنا ما نبي نضيق على الحكومه ابد ابد ابد يعني شي لها ويصرف لصالحها ما نبيييه ابد

يعني تقولين هم عدد سكانهم اقل وعشان كذا يقدرون يعطونهم (وفي نفس الوقت ميزانيه الدوله اقل)

خلونا نحسبها سوا

يعني خلنا نقول ان عدد سكان السعوديه 30 مليون نسمه (مع انها ما وصلت بس خلونا ناخذ اعلى الاحتمالات
وطبعا هالـ30 يشتملون على الغير سعوديين)

وحنا نبي نصرف للسعودين وخلنا نقول السعوديين كلهم 25 مليون نسمه (مع انه مستحيل الاجانب بس 5 مليون بس مو مشكله)


طيب فائض الميزانيه لسنه 2008 هو 500 مليار وشوي بس خلونا نقول بس 500 مليار

يعني لو صرف لكل مواطن سعودي 50 الف كل سنه طبعا كل مواطن فوق الـ25 مثلا (يعني بعد مو الكل)

بالله هالـ50 الف وش بتأثر على الدوله ؟ لان كلها من الفائض



وبالنسبه للمعاقين والمتخلفين عقليا والمريضين

تبين اسبب لنفسي عاهه او اعاقه عشان يصرف لي كرسي؟ هذا اذا صرف لي؟



انتمى اني ما جبت العيد باي شكل من الاشكال قبل وقته المحدد < اقرب ابو زعبل ^^

والسعوديه كولها دمقراطيه