طريقة تفعيل عضويتك في المنتدى .. لأعضائنا الجدد الغير مفعلين!

[خليك بالشارع]

بسم الله الرحمن الرحيم

على الرغم من اني شددت ان الي ما يبي يشارك معنا مهوب ملزوم يسجل معنا والمنتدى مفتوح للجميع والكل يقدر يقرا كل شي ينكتب فيه من غير تسجيل :) ..

ولكني ما زلت اشوف اسماء موب بس مسجله وما تشارك :yarabeeeeeeh: .. بل مسجله صارلها شهور ولا لها نية تفعل عضويتها في المنتدى بعد! :loo7:

على العموم قد يكون البعض يجهل طريقة تفعيل العضوية في المنتدى وعشان كذا سويت هذا الشرح البسيط :rose: ..

( 1 )

طبعاً أي عضو مسجل معنا وما فعل تسجيله عن طريق ايميله بيظهر اسمه عندنا في قائمة الأعضاء الجدد باللون الرمادي مثل الصورة التالية ..

http://www.9df7.com/gif/9MZ79215.gif

( 2 )

وعند دخوله او دخول اي واحد مسجل بالمنتدى سواء كان مفعل ولا غير مفعل الى هوية العضو الي مكتوب اسمه في منتدانا بالرمادي بيلقى رتبته تقول "كاتب يبيله يراجع بريده الالكتروني لرسالة التفعيل" ..

http://www.9df7.com/gif/0P379338.gif

( 3 )

وحنا قلنا الي يبي يسجل عندنا يسجل بايميله الحقيقي لأنه ما راح يقدر يفعل تسجيله معنا الا عن طريق رسالة تفعيل راح نرسلها الى ايميله الي سجل فيه .. عشان نضمن انه ما يجي واحد ويسجل عندنا بايميل مهوب له ثم يغث راعي الايميل الأصلي برسايلنا الي يمكن نرسلها له بين فترة وفترة لمتابعة اخبار المنتدى ..

فإذا سجل الواحد عندنا بايميله الحقيقي بعد ما يسجل مباشره يروح ويفتح ايميله الي سجل فيه عندنا ويدور فيه على رسالة عنوانها زي كذا ..

http://www.9df7.com/gif/sf279428.gif

( 4 )

فيه احتمال كبير انه ما راح يلقى الرسالة في الانبوكس Inbox وبالذات لمستخدمي الهوت ميل Hotmail فيقوم يدور عليها في الجنك Junk واكيد بيلقاها هناك ان شاء الله ..

http://www.9df7.com/gif/v6y79290.gif

( 5 )

واول ما تلقى الرسالة الي ارسلناها لك عشان تفعل عضويتك من خلالها الي حطينا لك صورة لعنوانها في النقطه رقم ( 3 ) تقوم تضغط على العنوان وتفتحها .. أول ما تفتحها بتشوف فوق بأعلى الرسالة أو فوق عنوان المرسل محطوط لك وحده من ذا البرابيس الي بحطها لكم الحين .. وفي كل الحالات قو قلبك ثم اضغط على Open message أو Show content ..

http://www.9df7.com/gif/iQO79533.gif

http://www.9df7.com/gif/BXj79581.gif

http://www.9df7.com/gif/SMm79632.gif

( 6 )

اذا سويت كل الي قلت لك عليه فوق النتيجه هي محتوى رسالة التفعيل الي تخص منتدانا راح تكون بالشكل التالي الا اذا غيرنا نصها بعدين هذا شي ثاني .. وطبعاً هذي رسالة تجريبية لتسجيل تجريبي بايميل ياهو موب هوت ميل بس نفس الرسالة تبي تجيك على الهوت ميل .. عاد الرسالة شارحه نفسها بنفسها .. وكل الي عليك اتباع التعليمات المذكورة فيها ..

http://www.9df7.com/gif/NRZ79386.gif

( 7 )

وأخيراً اذا كنت تستخدم الهوت ميل ورسالة التفعيل لقيتها بالجنك اذن يُحبذ عقب ما تخلص من سالفة التفعيل انك تضغط على Not Junk يعني مهيب رسالة جنك مثل الموضح بالصورة الي بحطها لك الحين .. عشان تصير اي رسالة تجيك من منتدانا تجيك على الانبوكس على طول ..

http://www.9df7.com/gif/2EO79473.gif

( 8 )

ملاحظة أخيره ومهمه .. ترى الرسايل الي تجيك على الجنك Junk تقعد محفوظه في صندوق الجنك لمدة اسبوع واحد فقط وبعدين تنحذف تلقائياً فإذا صارلك اكثر من اسبوع مسجل ورسالة التفعيل جاتك على الجنك وما فعلت اشتراكك ولا سويت الي قلت لك عليه فوق اجل اسمحلي اجي جنبك واقولك مسكيــــــن :ya7leelah:

( 9 )

تنبيه مهم أوي قدن: ترى بعد فترة اليوزرات الي نشوف ان مال امها داعي ترانا بنعمل على حذفها يوزر ورا يوزر عشان نعطي المجال للي وده يسجل معنا باسم مختاره واحد قبله بس مهوب معطينا وجه .. وعشان نخفف الضغط على قاعدة البيانات حقت المنتدى لأن ترى الدعوه بفلوس وفيها دفع دراهم مهيب ببلاش والحسابة بتحسب :d ..

[مزعلة النسـا]

ياخي بسك تشدد ..

خلهم براحتهم .. فتره ويرجعون بس قاعدين يحجزون أماكن ولا صار المنتدى شي وشواشي بيجونك بالارقام الحلوه ويمكن تصير للبيع بعد شدراك مثل الساحات ..

طول بالك ..

ويسلمو عالتوضيح ..

[مزعلة النسـا]

غلطه مطبعييه سوريي

+1 مشااركه

:d:d:d

[loty spot]

إيي والله يالمعزب يسلموو خلي الاعضااء يتفعلوون يمكن من جد مايعرفون يفعلون نفسهم

مشكووورر

:ok:

سياا