So GheTTo ... So HooD

[خليك بالشارع]

ملاحظة كبر عضلات صدري :d : هذي قصة قديمة نشرتها في منتديات الاقلاع (http://www.vb.eqla3.com/showthread.php?t=152334) بالسابق بتاريخ 23-ديسمبر-2004 الساعة 23:20 بتوقيت السعودية :tongue:

ولأن القصة نالت استحسان واعجاب الكثير من القراء مثل الاخت LoOolah ..
يومها تقول ان ذا الروايه من أجمل ما قرأت في النت! :d

http://snake2001spain.spaces.live.com/lists/cns!A6 D7FC924A21BFBC!294

http://www.mamdou7.com/storiesimages/profile/7.gif

http://www.mamdou7.com/storiesimages/profile/8.gif

ونظراً لملاحظتي ان منتدى حيوي ومهم مثل منتدى بروكلين قاعد يغط في سبات عميق من يوم افتتاح المنتدى ولذلك ابصكه بجرعة تنشيطيه من خلال اعادة نشر ذا القصة الماصلة هنا من جديد .. وكلي شوق صراحةً لقراءة ما تجود به انفسكم الكريمه من مواضيع من ذا النمونه على منتدى بروكلين :3alawashak: .. فليبارك لنا الرب :d ..

.

:: So Getto .. So Hood ::

بسنة 1983 للميلاد كانت الحركة العربجية في البلاد تعيش
عصرها الذهبي وكان الخكاريا يهابون الخروج من بيوتهم ...
وكانت حارتنا حارة تخوف كل ابوها عرابجة ... وكان اسمها
حارة ابو شنب نسبة لابو شنب الي صار صديقي بعدين ...
وابو شنب هذا أقوى عربجي بالحارة ...
وضروسه كلها تركيب ومع انها كلها تركيب وبفلوسه بس
هو اختار انه يركب ضروس حمار يقول كذا ازبط على بنت
البكّار ( نسفة عرابجة ) ... وراس ابو شنب كله فلعات
ومهجد عيال الحارة كلهم ... ولا يمشي الا والعفريتة بيده
... واذا كان بالددسن لازم تلقى عجرتين تحت الكشن ...
عجرا أساسية والثانية سبير ... وكان ابو شنب شديد الشبه
بابو برغش ...

http://www.mamdou7.com/storiesimages/abubargsh.jpg

++ أبو برغش :d ++

وانا كنت جار ابو شنب بس ما كنت صديقه ...
وكان ابو شنب يسميني القملة ... يقول لأن شكلي يشبه
القملة ... وكنت ولد نعمة بس عربجي على خفيف وتوني ناقل
الحارة ولا أعرف فيها احد ...

ولأن ابو شنب كان جاري وكان شديد الشبه بابو برغش فكنت
امون عليه حبتين او بمعنى أصح كنت ممون نفسي عليه حبتين ...
وكل شوي جايه وسائله: ياخوي انت ابو برغش الي يكتب
بالاقلاع ؟؟ ... وهو يقول لا يا اخوي مانيب ابو برغش الي
يكتب بالاقلاع ... الين قفلت معه مرة من المرات من كثر
ما سألته هالسؤال ... وفي يوم من الأيام جيته كالعادة
الشهرية وسألته ياخوي بالله منتب ابو برغش الي يكتب
بالاقلاع ؟؟ ... قال ابو شنب الا انا ابو برغش الي يكتب
بالاقلاع ... يبي يفتك مني الرجال ... قلت: نعم!! انت
ابو برغش الي يكتب بالاقلاع! ... يابو الشباب ترى حنا
الحين بسنة 1983 والاقلاع توهم ما سووه ولا نعرف شي اسمه
اقلاع ولا ابو برغش ولا انترنت اصلا ... وفهم ابو شنب
اني قاعد اتميصل عليه ويمسكني مع غالوقتي وينشّب
العفريتة في جبهتي وهاتك يا تكفيخ ويا تشويت وهاتك يا
تكفيخ ويا تشويت الين خلاني عبرة لمن لا يعتبر ومن يومها
حطني براسه وبدا الإستقعاد ...

ولكن كيف صار ابو شنب صديقي العزيز بعد كل هالتكفيخ الي
جاني منه!!

:longtongue:

حدث ذلك عندما طلع ترتيبي قبل الأخير عندما كنت بالصف
الأول ثانوي ... فاستقبلني ابوي وهو فاتح ذراعيه وضمني
ثم تفل بوجهي ثم زعلت عليه ثم راضاني بلاند كروزر وكالة
لزوم التطعيس بالبر بإجازة الصيف :longtongue: ...

وقام ابو شنب من النوم الساعة 11 بالليل يوم الخميس
الصبح ( الجميلة النائمة :) ) وشاف هاك اللاند كروزر الأبيض
الجديد الي واقف قدام بيتنا ... ولقد كان ابو شنب بذيك
الليلة ثمل وعيونه منفصة ... ويوم قرب عند اللاندكروز
حقي قرا عليه علامة 4X4 ... ويجيك ابو شنب ويلقطله
مسمار من الأرض ويكتب جنبها =16 ... ورجع يكمل نومته
...

وقمت من النوم ثاني يوم الصبح واشوف الـ =16 وزعلت وضاق
صدري وقعدت ابكي ... بس وش اسوي مالي الا اني آكل تبن
واودي اللاندكروزر للوكالة علشان يمسحون الـ = 16 ...
وبالفعل وديتها للوكالة وضبطوها ورجعت اللاندكروزر تلمع
مثل اول واحسن وولا كن ابو شنب مشخمط عليها بمسمار قبل
كذا وولا شي ...

وقعدنا كل يوم على هالمنوال ... ابو شنب يجي يكتبلي =16
بالليل وانا اوديها للوكالة ثاني يوم بالصبح :frown: ...

ولكن في ليلة من الليالي :d ( <== ليتهم رقدوا بس :d ) ... قلت لنفسي يا ولد تراك ساكن
في حارة عرابجة وان لم تكن عربجيا لشخمطوا على سيارتك
العرابجة فلازم تمسك ابن الكلب ذا الي مستقعدلك كل ليلة
وتدوس في بطنه علشان على الأقل تثبت وجودك عندهم وتصير
لك هيبة واحترام ... فقضيت ذيك الليلة سهاري في حوش
بيتنا ولا رقدت ولا دقيقة ... وكنت طافي انوار الحوش كله
وواقف ورا باب السور وشايل بيدي عجرا وقاعد اراقب الرايح
والجاي ابي اشوف منهو ابن الكلب الي كل ليلة ما عنده لا
شغلة ولا مشغلة الا انه يشخمطلي على موتري بمسمار ...
وابتل واقف ورا باب السور الين اذن الفجر ولا جا احد ...
فتعوذت من ابليس وقلت شكل ذا الي يشخمط على الموتر كل
ليلة زهق ولا داعي للقلق والحيرة بعد الآن ورجعت غرفتي
ورقدت ...

ويوم قمت ثاني يوم الصبح طلعت اركض للاندكروزر ولقيته
سليم كيوم ولدته امي ... وولا مكتوب عليه شي فتنفست
الصعداء وارتاحت نفسيتي اكثر ...

بس في صباح اليوم الي عقبه لقيت =16 جنب علامة 4X4 مرة
ثانية ... لأن ابن الكلب ابو شنب حطله ساعة خراشة جنب
راسه بذيك الليلة علشان ما تروح عليه نومة مثل الليلة
الي قبلها ... وانا ما زلت ما غير اشيل بهاللاندكروزر
وانطله على الوكالة كالدجاجة الصقعة وبالليل يجي ابو شنب
ويقعد يذاكر رياضيات عليها ... آخر شي قلت للوكالة يا
جماعة الربع ترى ما صارت ( صرنا ربع انا والوكالة من كثر
ما صرت اسير عليهم :) ) ... ابيكم تشوفونلي حل بهالسالفة
قبل لا أرتكب جريمة باحد من عيال الحارة ( بشويش يا
عربجي :d ) ...

فقعدت الوكالة تعصر بمخها وتعصر بمخها وتعصر بمخها وعقب
ما عصرت بمخها صبوه لي بكاسة وقالولي اشرب يا عنتر ...
قعدت انا اتلفت وراي ويميني ويساري ابشوف منهو ذا عنتر
الي قام من النوم ولا غسل وجهه؟؟ ... قالولي انت انت
عنتر ... قلت باستغراب: أنا عنتر! ... قالوا: ايه نعم
انت عنتر ... قلت: بس أنا أبيض ... قالوا: ندري انك ابيض
يا قشطة ( حبتني الوكالة :d ) ... شايفنا عميان انت
ووجهك ولكننا قصدنا انك مثل عنتر في قوته وعضلاته ...
هاك اشرب عاد ولا تردنا فإنه لا يرد الوكالة إلا وكيل
مدرسة ... قلت: طيب وش ذا؟!! ... قالولي عصير مخ ... قلت
يع الله يحوم كبودكم يا متوحشين وقعدت اطرش :d ... وما وعيت
الا وواحد من الي يشتغلون بالوكالة قعد يهز كتفي يقول:
يابو الشباب شكلك ما نمت زين امس بالليل ... قم ترانا
لقينا حل لمشكلتك المستعصية وبعدين اذا انحلت مشكلتك
رح كمل نومك ببيتكم ... قلت: هاه بشر وش الحل؟ ... قال:
لا ما يصير نقولك وش الحل الحين فأنت شاب كريم وابن رجل
كريم ولازم نقهويك بالاول ونحسن ضيافتك وبعدين نقولك وشو
الحل ... والله وما قصروا جابولي سفن أب وذبحولي حصان من
شدة كرمهم وتغدينا وصلينا العصر جماعة وعاينا من الله
خير ... وبعدين قالولي شف يابو الشباب مالنا الا اننا
نستأصل الـ 4X4 ونحطلك محلها 4X4=16 نسويها لك كذا
بطريقة فنية من تصميم المصنع وترتاح وتريحنا ... قلت تم
شوركم وهداية الله ... وخير البر عاجله <--- ليه بيتزوج
ابو الشباب! ... وبالفعل ركبولي العلامة الجديدة ورقدت
هاك الليلة ملئ جفني مرتاح مطمئن البال :d ...

وقمت ثاني يوم ابي اشيك على لاندكروزري علشان اشوف خطة
4X4=16 نجحت ولا لأ ... ولا القى محطوط جنبها علامة صح :eek::yarabeeeeeeh::frown:

وتقفل معي تففيلة بنت كلب :oldmad: ... وجت على بالي أغنية أصالة
يومنها تقول "ياخي إسأل" وبالفعل أخذت بنصيحتها وقعدت
أسأل عيال الحارة واحد واحد واقولهم ما شفتوا امس وانتوا
نايمين بالليل واحد ابن كلب واقف عند موتري وماسك بيده
مسمار ؟؟ ... وانا سألت هالسؤال من هنا وهاتك يا ذب
وطنازة عاد من عيال الحارة الماصلين من هنا ... الي يقول الا
انا شفت ... شفت النجار واقف وماسك بيده مسمار بس موب
امس بالليل للأسف ... والي يقول هذا انا ... انا السنة
الماضية كنت واقف وماسك بيدي مسمار وهلم جرا ... الين
رحمني الله بالقوطي ( القوطي واحد من عيال الحارة
الملاقيف ) ويجيني العلم منه انه شاف ابو شنب وهو يسويها
بالليل ... واروح لبيت ابو شنب وانا معصب ونافخ ريشي
وشايل بيدي عجرا وقعدت اخبط باب بيت ابو شنب بالعجرا
باقوى ما عندي وانا اصارخ عليه من برا البيت واقوله يابو
شنب يابن الكلب اطلعلي برا لا العن والدي والديك ...
والله ويطلعلي ابو شنب ... ويمسكني مع رقبتي ثم نفص
عيونه وقال: خير ان شاء الله الظاهر في راسك حب ماطحن
وتبي ابو شنب يطحنه لك ...

فعادت بي الذاكرة إلى آخر تسطيره تسطرتها على يده ...

وقلت: لا أبد يالحبيب بس بغيت أسألك انت متأكد ان 4X4 =
16 لأن عندي اختبار رياضيات بكرة وحبيت أتأكد من الناتج
علشان لا جاني نفس السؤال بالاختبار اعرف احله :d ...

وطبعا مثل ما قلتلكم ابو شنب أقوى عربجي بالحارة ...
وضروسه كلها تركيب ومع انها كلها تركيب بس شكلها تقل
ضروس حمار وراسه كله فلعات ومهجد عيال الحارة كلهم ...
ولا يمشي الا والعفريتة بيده ... واذا كان بالددسن لازم
تلقى عجرتين تحت الكشن ... عجرا أساسية والثانية سبير
... وكان ابو شنب شديد الشبه بابو برغش ...

http://www.mamdou7.com/storiesimages/abubargsh.jpg

++ أبو برغش :d ++

وابو شنب ما عنده تفاهم بهالامور ...
فمسكني ونشّب العفريتة في جبهتي وهاتك يا تكفيخ ويا
تشويت وهاتك يا تكفيخ ويا تشويت يجي كذا نص ساعة الين
خلا ضروسي اتمرجح :frown: ...

واستمر استقعاد ابو شنب لي لأني للأسف ما قدرت اثبت
وجودي بالحارة ... وصرت طبعا اسويله شاهي العصاري ...
واصلحله راس المعسل ... واغسله الددسن كل يوم الصبح ...
ولا قالي يالقملة اقوله ايوا يا معلمي :d ... وقعدنا على
هالحال يجي كذا كل يوم تقريبا :frown: ...

الين جا يوم من الأيام عقب ما صلحت راس المعسل لابو شنب
وانا راجع البيت لقيت كتكوت صغير مرمي بالشارع وشكله
يكسر بالخاطر وكان يقول بصوت جريح "نياو" "نياو" ...
فكسر بخاطري كثير كثير ... لدرجة اني نسيت كل همومي
وأحزاني وقلت بتنهيدة عميقة: إيـــه من شاف بلوة غيره
تهون عليه بلواه ... ولقطت الكتكوت واخذته معي البيت ...
ويوم دخلت البيت ما لقيتله مكان احطه فيه ذا النشبة ...
قمت حطيته بعشة الحمام مع هالحمام الي مربيهم عندي فوق
بالسطح :) ...

ويوم جا الليل وانا راقد فمان الله ... دق جرس البيت دقة
ما تبشر بخير ... قمت فزيت من السرير وطلعت ابشوف من ذا
الي جاينا تالي الليل ووش يبي ... وتوني ما فتحت الباب
الا والقى ابو شنب واقف قدامي ومنفص عيونه وشايل بيده
عفريتة ... وبدون كيف الحال مسكني مع رقبتي ونشّب
العفريتة في جبهتي وهاتك يا تكفيخ ويا تشويت وهاتك يا
تكفيخ ويا تشويت الين خلاني اقول انا آسف وانا مدري وش
سويت ... ويوم سألته وش فيك ؟؟ ... قال: وش ذا الهبد
والتخبيط الي عندكم بالسطح ... قلت: اي هبد واي تخبيط!!
سكنهم مساكنهم بس ... اصلا حنا ما عندنا بالسطح الا عشة
حمام ... قال: طيب عشة حمامك الي بالسطح ازعجتني رح
سكتها لا اتوطى في بطنك ...

وهو قالي كذا وانا اطلع للسطح ركض وانا اقول بيني وبين
نفسي: حمام! سطح! ازعاج! عز الله راح وطي الكتكوت :eek: ...
ويوم وصلت السطح الا اشوفلكم باب القفص مفتوح وكل حمامة
منطولة في جهة ... والي جناحها مكسور والي منقارها منعوج
والي صايرة تمشي على جنب ... ولقيت الكتكوت واقف بالنص
ويصارخ "انا لحد يقربلي ... انا كتكوت عربجي" ... قلت:
انا لله وانا اليه راجعون وآخرتها يعني مع هالعرابجة :frown: ...
حتى الكتكوت طلع عربجي :frown: !! ... ثم مسكت الكتكوت وانا مبعد
وجهي عنه علشان لا يجيني كف ولا شي ونطلته بالحوش ... ثم
دخلت البيت علشان أكمل نومتي :frown: ...

وما مرت ساعة الا وجرس بيتنا يدق مرة ثانية نفس الدقة
الي قبلها ... فعرفت انه ابو شنب ... وتشهّدت وطلعت
افتح الباب الا وفعلا ابو شنب واقف ومنفص عيونه وشايل
بيده اليمين عفريتة وحاط الكتكوت على كتفه اليسار ...
وقال بهدوء وهو مغمض عين وفاتح العين الثانية نص فتحة:
هالأهبل الي على كتفي صوصك ... قلت: ايــ ـ ـ :) ...

وتوني ما كملت الإيه الا وهاتك يا تكفيخ ويا تشويت وهاتك
يا تكفيخ ويا تشويت الين ندمت اني قلت ايه ... مدري وش
الي خلاني ماقول لا :frown: !! ... ويوم سألت ابو شنب: انا وش
سويتلك ياااااخي ... قال ابو شنب: صوصك نط على حوشنا
وقعد يكفخ بالبساس الي عندنا بالحوش وازعجني وترى هالمرة
مشيتها لك لكن المرة الجاية شكلي بآخذ فيك حكم اعدام
مؤبد ... قلت للكتكوت: ياخي وش فيك كذا ازعجت ابو شنب
ياخي :frown: ... قال الكتكوت: بس كذا مزاج ... قلت: مزاج!! ...
طيب يابو مزاج ... دواك عندي يالحبيب :) ...

وأمسك الكتكوت مع رقبته وانطله بوسط درج اللاندكروزر
واطلع فيه البر بنص الليل وانا عيوني حمرا من قلة النوم
... ونطلته بنص البر وتركته ورجعت البيت وانا مبسوط
وقاعد احتفل واسمع اغنية عبدالقادر هدهود ( بعدك مدري
فيني اش صار ... صااااااااار ... عايش قلبي بحيرة ونار
... ناااااااااار ... حتى احساسي ضدي ثار ...
ثاااااااااار ... والهوى مجرووووح ) :)

-- إضغط هنا علشان تسمع الأغنية عبر الأثير -- (http://www.6rbtop.com/downram.php?song_id=12344&type=au&q=hi) :)

-- أو إضغط هنا علشان تحمل الأغنية على جهازك -- (http://www.6rbtop.com/download.php?song_id=12344&type=au&q=hi) :)

وثاني يوم بالليل عاد جبتلي عشا سفري من مطعم كتيكت ابدلع
نفسي :) لكن حدث مالم يكن بالحسبان ... وانا قاعد اتعشى
بالبيت تذكرت هالكتكوت الخبل وحسيت بتأنيب الضمير وولا
قدرت ابلع اللقمة وانا افكر بمصير هالكتكوت الضعيف ...
وقعدت اهوجس واقول تلقاه الحين الضعيف ميت من الجوع
والعطش ... ولا تلقاه الحين خايف وقاعد يتنافض من البرد
... ولا تلقى بعير وطاه وهو ما يدري ... والله وافز من
على العشا وانا كلي عزيمة واصرار على انقاذه وقلت انا
لازم اروح اوديله شي ياكله ويشربه ... وتوني بافتح باب
البيت الا ابو شنب ماسك مسمار وقاعد يكتب على موتري 10
تقسيم 2 يساوي 5 وسألني: وين ذالف؟! ...
قلت: مهوب شغلك... قال ابو شنب: وش قلت!! ...

وعندها جتني قوة غير طبيعية من شدة الحزن والأسى وتراكم
الهموم الي فيني وامسك ابو شنب وهاتك يا تكفيخ ويا تشويت
فيه وهاتك يا تكفيخ ويا تشويت فيه الين كسرت خشمه
وطيرتله 3 ضروس من ضروسه التركيب ... ومسكت مسماره
ودقيته في راسه ولا مات ...

وبعدين قلتله: كله منك انت ومسمارك يا داشر يا قليل
الأدب يالي منتب متربي ... ما أحبك يا قاسي يا سفاح يا
مجرم يالي تشوف أفلام إباحية على الهوت بيرد يا قليل
الأدب ... أكرهك أكرهك ... اصلا انا ما نطلت صديقي
الكتكوت بالبر الا علشانك وعلشان ما يزعجك بالليل يا
مجرم يا متوحش ...

ويوم سمع ابو شنب هالكلام قعد يبكي واجهش بالبكاء وقال:
كل هذا سويته علشاني أنا تهئ تهئ ... بصراحة اول مرة احد
يسوي شي علشاني يالقملة تهئ تهئ ... يا صديقي القملة
تصير صديقي بس تهئ تهئ ...

قلت: الحين يابو شنب ماهوب وقت ندم ودموع لأن الكتكوت
ولد حارتنا ينادي ولازم نروح ننقذه الحين ولا يبيلنا
نضيع وقت ... وبعدين انا لي اسم واحب انك تناديني فيه لو
سمحت ... انا اسمي خليك بالشارع فاهم يا قليل الأدب ...

قال: فاهم يابو شارع يا صديقي العزيز ... أرجوك سامحني ...

قلت: خلاص سامحتك ...

والا ينط ابو شنب ورا الدركسون ... قلت: وين يابو الشباب
...

قال ابو شنب: اقول انقلع مناك بس ... انا ما اقعد الا
ورا الطارة وانت واشكالك تقعدون على ذا :humm: ( قالها وهو يأشر
باصبعه على الكرسي الي جنبه :longtongue: ) ... قلت: طيب يابو الشباب
انت الحين تعرف وين طريق الكتكوت!! ...

قال ابو شنب: أقول على شحم بس ...

فتعوذت من ابليس وركبت جنب ابو شنب
ونفص ابو شنب عيونه وقال: استمتعوا بالرحلة ودعوا
القيادة لنا ... وقعدت اتلفت على الكراسي الي ورا ابشوف
معنا احد ثالث ولا رابع بالموتر ويومني مالقيت احد غيري
معنا انطميت وقلت: سكنهم مساكنهم بس ... وقعدت اقرا آية
الكرسي ...

ويدوس ابو شنب وهاتك يا تفحيط ويا عقد ويا حركة السلسلة
ويا تنطيل وانا قعدت اطرش الين وصلنا البر وقعدنا نحوس
ونحوس بالبر ... الين لقينا كتكوتي البرئ ... ولقيناه
نايم على الأرض ومغمض عيونه والوقت كان ليل والجو بارد
إلى صحو إلى غائم نسبيا مع توقع لهطول بعضا من الأمطار
المتفرقة في أوقات متأخرة من الليل وهبوب كمية من الرياح
الموسمية المحملة بأمطار الخير والبركة ... وشفت 4 ذيابة
قاعدين يدورون حوله وانا ما قدرت استحمل بشاعة المنظر
واسحب عفريتة ابو شنب من جيبه بعصبية علشان انقذ كتكوتي
العزيز واتدارك الموقف قبل أن تحدث كارثة انسانية مروعة
... وانزل من السيارة وانا اركض وشغل ابو شنب اغنية
عبدالقادر هدهود ( ارجع حبيبي يالله كفاية ... ارجع نكمل
احلى حكاية ... ارجع لحبك ماله نهاية ... وبعدها
مسموووووح ... بعدك مدري فيني اش صار ... صااااااااار
... عايش قلبي بحيرة ونار ... ناااااااااار ... حتى
احساسي ضدي ثار ... ثاااااااااار ... والهوى مجرووووح )
ورفع الصوت على الأخير علشان يشعل لهيب الحماس عندي وانا
قعدت اركض رايح انقذ الكتكوت واقول تماسك يا صديقي
الكتكوت تماسك ... ارجوك لا تمت الآن انا قادم ...
سأنقذك يا كتكوتي العزيز ...

-- إضغط هنا علشان تسمع الأغنية عبر الأثير -- (http://www.6rbtop.com/downram.php?song_id=12344&type=au&q=hi) :d

-- أو إضغط هنا علشان تحمل الأغنية على جهازك -- (http://www.6rbtop.com/download.php?song_id=12344&type=au&q=hi) :d

وشافوني الأذياب ( جمع ذيب :d ) وخرشتهم اغنية عبدالقادر هدهود وحسبونا
مخلوقات فضائية جايين نغزو كوكب الأرض بالليل واربع ما
تشوف رجولهم وابتعدوا عنا وعن كتكوتي الجميل ...

فنظر لي صديقي الكتكوت وملامح الحزن والإستياء والزعل
بادية على محياه البرئ ( يحقله بصراحة ... يعني عقب كل
الي سويته فيه وما تبونه يزعل ) وقال:
-
-
-
-
-
-
-
-
-
-
-
-
-
-
-
-
-
-
-
-
حرام عليكم يااااااااخي انت وابو شنب ... خربتوا علي الكمين
...

:eek:

:humm:

وبعد أن أفقت من الصدمة ...

:d

قلت للكتكوت: يابو الشباب وش تبي بلحم الذيابة تراه
ما ينوكل ... وترى الذيب ولد عم الكلب ... صاحي انت ؟؟ ... ارجع معي البيت
بس عازمك انت وصديقي الجديد ابو شنب على عشا جايبه لكم من
كتيكت :) ...

قال: تم ...

ورجعنا للحارة وحنا مشغلين بالطريق أغنية عبدالقادر هدهود
( بعدك مدري فيني اش صار ... صااااااااار
... عايش قلبي بحيرة ونار ... ناااااااااار ... حتى
احساسي ضدي ثار ... ثاااااااااار ... والهوى مجرووووح ) :)
وحنا مبسوطين ووناسة على الأخير والكتكوت يقول لابو شنب
السلسلة ... السلسلة يابو شنب ... تكفى طلبتك لا تردني ...
فكانت ردة فعلي أن قلت له: سيارة ابوكم هي يا عيال الكلب!! :oldmad:

-- إضغط هنا علشان تسمع الأغنية عبر الأثير -- (http://www.6rbtop.com/downram.php?song_id=12344&type=au&q=hi) :d

-- أو إضغط هنا علشان تحمل الأغنية على جهازك -- (http://www.6rbtop.com/download.php?song_id=12344&type=au&q=hi) :d

ومن يومها صرنا انا وابو شنب والكتكوت الي سمى عمره
بعدين كتيكت علشان برستيجه بين الشباب أعز ثلاث أصدقاء
بالحارة وصرنا نعتبر قوى عظمى بالحارة مثل امريكا ولا
احد من عيال الحارة يقدر يحارشنا وصرنا 24 ساعة قاعدين
مع بعض على الرصيف نتتن ونقبع من البربيكان بالتوت
ونتلقف على الرايح والجاي :longtongue: ...

The enD
النهاية

:d

حقوق الطبع والنشر © خليك بالشارع
جميع الحقوق محفوظة
2004

[منقاش]

اقول boss

تراك مصختها بفرد العضلاتك احس انك تبي تصير اقوى واحد وتكفخ العالم كله====:gwi:


بس جد انا قريت القصة من قبل بس هم رديت وقريتها مرة ثانية.


يسلمووووووووووووووو وعاد نبي الجديد


كل الغلا لك:rose:

[خليك بالشارع]

^
^
^
يخوي قصة خياليه مهوب ضروري تحاكي الواقع :d

[loty spot]

ههههههههههههههههههههههههههههههههههههههه

قاعده اتخيل اشكالكم واهم شي وانت تتصفق خخخخخ

<< مره إتحمست :y9affer:

احسكم بثياب صفر وطاقيه على جنب وماسكين الثوب من نصه ورافعينه ورجولكم وصخه ولونها اسود

ولا بسين مدس ذيك السودا العريضه خخخخخخخخخخ

وياناسو على الكتكوت خقيت عنده انا مره

<< واهم شي إتحمست مع الاغنيه ...:7aflah:

والله قصتك رووعه

يلا يالمعزب

سياا

:excellent:

[خليك بالشارع]

الله يعطيك العافيه اخت loty spot :d

والحمدلله ان القصه لاقت استحسانكم وان شاء الله الجايات اكثر وأحلى :d

أطيب تحيه :rose:

[leopard]

اروح همرغر انا



صراحه ما اقدر




تحياتي
لابو شارع

ملك الشوارع

[»Mя.Ĥάşţяĥ«]

خليـكـٌ بالشـآإْرٍعٍ ,, :d

قصصكـٌ كـلٍ أبـوٍ أبـوٍهـآإْ حـآإْفظهـآإْ غيب :humm:

من كثر ما قريتها ,, ياخي انت ليه مغبر ما عاد كتبت شي جديد :yabtsib7rqah:

وإللي يرحم شيبآنك حس فينـآ ونزل قصه جديد بمنـآسبة افتتاح المونتدى الجديد واكشخ بها شوي :d

[خليك بالشارع]

اروح همرغر انا



صراحه ما اقدر




تحياتي
لابو شارع

ملك الشوارع

اشكرك على مؤازرتك :d

[خليك بالشارع]

خليـكـٌ بالشـآإْرٍعٍ ,, :d

قصصكـٌ كـلٍ أبـوٍ أبـوٍهـآإْ حـآإْفظهـآإْ غيب :humm:

من كثر ما قريتها ,, ياخي انت ليه مغبر ما عاد كتبت شي جديد :yabtsib7rqah:

وإللي يرحم شيبآنك حس فينـآ ونزل قصه جديد بمنـآسبة افتتاح المونتدى الجديد واكشخ بها شوي :d

لا وذيك الايام كان اسلوبي الروائي لك عليه بعد :d

ولكن اليوم بعد ان اشتد عودي ومرواسي ستقرأ مجموعه قصصية غريبه ومنقحه :d

ابشر بعزك بس شجعوني يا إخوان حتى لو اشوت قصصكم للألكاتراز واثبت قصصي وارسلها لهوليوود بوليفارد :d .. ما يصير اقعد اكتب قصص بلحالي :yahoosad: ..

[وردة روز]

بجد كاتب خيالي رووعه
حلووه عيشتنا جو حلو معاك

القصه وسرد الكلام

يسلموووووووووووووووووووووووووووو

وننتظر ابداعك بشغف

[خليك بالشارع]

هلا بك وردة روز :d ..

الكتابه تعلمتها ومارستها منذ الطفولة عندما كنت اكتب مواضيع التعبير في الصف الرابع - ج - والخامس - ب - والسادس - ب - ابتدائي :d

ولذلك تجدوني الآن كاتب فذ ومميز :d

<== ما ينعطى وجه ترى والا تسوق معه العمليه :d

[{ نـ ـؤف ..!!]

وآآآآآآآآآآآآآو

قصـ ـة جؤنـ ـآن

دخلتـ جؤ مـ ع إنـُ مآ أحبـ أقرأ :shy:

بـ ـس آلقصـ ـة جذبتنــي مرآآ :coolsmoker:

يع ـطيك آلعآفية خيؤؤؤ

لآ عدمنآكـ .. و لآ تح ـرمنآ منـ قصصكـ آلنآيسـ ـي :7arrah:

::

نؤف

[خليك بالشارع]

حياك الله يا نؤف :d .. توك اجل ما شفتي شي .. ترى ذي اخيس قصة لي :d

[بنوته دلع]

هاي خليك بالستريت عن جد انت ورب خطيييييييييييييير وعايش بزمن مو زمنك ياخي انت مبدع فنان بمعنى الكلمه حرام تندفن مواهبك هون انا اقول لو تجمع رواياتك وتحطها بكتاب مو احسن:ma3alsalamah::ma3alsalamah::ma3alsalamah:

[click]

"هو اختار انه يركب ضروس حمار يقول كذا ازبط على بنت البكّار"

الله يحوفق كبدهـ :(
وشلون يسطي ياكل عليهن http://www.getsmile.com/emoticons/smileys-91853/aiw/vomit.gif


http://www.mamdou7.com/storiesimages/abubargsh.jpg

اهم شي العقرب الي ع كتفو تقول كروان مو عقرب خخخخخخخخخخخـ ...

"حدث ذلك عندما طلع ترتيبي قبل الأخير عندما كنت بالصف
الأول ثانوي ... فاستقبلني ابوي وهو فاتح ذراعيه وضمني
ثم تفل بوجهي"

ايـــهـ الرومنسيه دي كولها :shy:

"ولقد كان ابو شنب بذيك الليلة ثمل وعيونه منفصة"

افـ افـ عيب لازم تشفر :d
في ناس بريئين يقرون الموضوعـ :shy:


" وزعلت وضاق صدري وقعدت ابكي ..."
افا تصيح مره وحده :( وين راحت العربجهـ و السنع !!

"لأن ابن الكلب ابو شنب حطله ساعة خراشة جنب
راسه بذيك الليلة علشان ما تروح عليه نومة مثل الليلة
الي قبلها ... "
خخخخخخخخخخخخخخخخخخخخخخخخخخخخخخخخـ.....

يا اني مت ضحك عليه :d

مترصد لك الاخـــــ :d


". قلت: طيب وش ذا؟!! ... قالولي عصير مخ ... قلت
يع الله يحوم كبودكم يا متوحشين وقعدت اطرش ..."

خخخخخخخخخخخخخخخخخخخخخخخخــ ....
http://www.getsmile.com/emoticons/smileys-91853/aiw/grin.gifhttp://www.getsmile.com/emoticon s/smileys-91853/aiw/grin.gifhttp://www.getsmile.com/emoticon s/smileys-91853/aiw/grin.gifhttp://www.getsmile.com/emoticon s/smileys-91853/aiw/grin.gifhttp://www.getsmile.com/emoticon s/smileys-91853/aiw/grin.gif

"ما شفتوا امس وانتوا
نايمين بالليل واحد ابن كلب واقف عند موتري وماسك بيده
مسمار ؟؟ ..."

اجل وانتم نايمين هاااــــاهـ http://www.getsmile.com/emoticons/smileys-91853/h0/spineyes.gifhttp://www.getsmile.com/emoti cons/smileys-91853/h0/spineyes.gif

"وعندها جتني قوة غير طبيعية من شدة الحزن والأسى وتراكم
الهموم الي فيني وامسك ابو شنب وهاتك يا تكفيخ ويا تشويت
فيه وهاتك يا تكفيخ ويا تشويت فيه الين كسرت خشمه
وطيرتله 3 ضروس من ضروسه التركيب ... ومسكت مسماره
ودقيته في راسه ولا مات ..."


عاااااااااااااشووو عاااااااشوو http://www.getsmile.com/emoticons/smileys-91853/aiw/yahoo.gifhttp://www.getsmile.com/emotico ns/smileys-91853/aiw/dance.gif

ايـــه بردت حرتي يا شيخ !!



"حرام عليكم يااااااااخي انت وابو شنب ... خربتوا علي الكمين"

انت متأكــــد ان هذا كتكووت http://www.getsmile.com/emoticons/smileys-91853/v/hairraise.gif


انا ودي اعرف شي واحد !!

وشلــــــــــــون طلعت معــك حابكهاا حبك http://www.getsmile.com/emoticons/smileys-91853/r/grins.gif

[قطوة مدعوسة]

فديت العرابجه انا:7arrah::rose: خخخخخخخخخخ

سبحان الله يقولون ان العربجي ذو اصل:gam6ah: دافور لكن لكثرت فزعاتهـ مع اخوياهـ ونخوتهـ ومرؤتهـ:ok: اشغلتهـ:( عن ترتيب كتبه ودراسته الا على طاري الدراسه الحين العيال اربعه وعشرين ساعه هياته بالشوارع واذا طلعت النتيجه الاهـ ناجح وش السر ؟؟؟:humm:

فيه عندي شيء للتشجيع<<خخخخخخخخخ<<مصدقـ،ـهـ عمرهـ،،ــ
خليك فيه بجهازي Faile Special* اسمهــ }}ــJJخ ــJJـ ــلــي’’ـــكــ بـ،،الـ؛ــشارعـJJــ{{

يحتويـ على *)رواياتكـ الساخرة(*

لذلك ,,,...,, , ننتظر جديدكـ,ــ فلا تحرمنا ؛.. ؛..
:rose:

[Barbie..~]

:war:

:d

..بصراحه يعني انا عن نفسي ماقد قريتها من قبل..

:yeah:

..قريت قصصك لك بس ذي ماعمري شفتها غير تو..

:d

..يسلمووووووووووووو..

:rose:

:dirty11:

[cindy]

لووووووووووووووووووووووووووووووول

القصه مرا مرا حلووووووووووا

من جد حماااااس

وكتكوت مرا حبيته احسه مهجدكم

بس ماشاء الله سردك للقصه حلووو

[سبيقه]

ههههههههههههههه حسبي الله على بليسك

والله لو تمثّل هالقصه في فلم كان حاز الفلم على الصداره وتقول هذا اخيس ماعندك

الله يهديك ,,كنك اللي مدحوه في صلاته قال هذا وانا ما توضّيت :d

أبداااااااااااااع والله الله يوسع صدرك بالعافيه

بس عندي سؤال..الى الحين وابو شنب يشخمط على موترك والا يوم صرتو اخويا

بطّل !! << قاهرني يوم دخل في عمليات القسمه مابقى الا يحوّل موترك لكتاب رياضيات معتمد لصف خامس ب


ننتظر المزيييد تكفى نبي نوسع صدورنا :ok:

[وش اني قايلة]

هههههههههههههههههههه هههه هههههههههههههههههههههههههههههههههههههههههههههههههه ههه ههههه ههههه <<< بزعمها غاشية من الضحك قامت تفحّ ،،، وتفحّ لغير الناطقين بالنجدي يعني تشحن ،، تلهث زي كذا


خليك بالشارع


تراك يا وليدي خفيّف طينه ومير عندك اسلوبن سنع يوسع الصدر ويشرح لخاطر المتكدر

ويوخّر الونة اللي ونيتها تالي الليل :humm:<<< وش تبييييييييين انتي !!!

علمك غانم ووجهك سفر لولا هالتتنة اللي متعلقطتن في ثمك << و متعلقطة من تعلقط يتعلقط اذا تعلق في شيء ونشب فيه ،، ان شاء الله وصلت والا أشوف لسان العرب يمكن شارحها أفضل من كذا !! :coolsmoker:

تراها ام الخبايث يابوي خف على صدرك منها تراها ما ترحم تسلبة هي << يرحم امك اصصصصص

وترى اكرام الميت دفنه <<< شطحت كالعادة هع هع


فمان الله

[تراك أبطيت]

:3asho:أذكر قاريتها قبل .. يوم قلت في اقلاع تأكدت :7arrah:

قريتها مره ثانيه خطييييره صراحه وأسلوبك ما احكم أنا عليه :ok:

مايستفاد : أني بريحك من الكتكوت ومشتهيته مع خلطه طحينه يحبها قلبك :d

ولا تردني تكفى .. قل تــم << بيجيها شي :shutup:


بارك الله في هالانامل الخورافيه .. :coolsmoker:

[اللي هوبه]

وههههاااااااااااااااااااااااااااهاهههههااااااااااا ااي

الله يقطع بليسك :d

آآآآآآآآآآآآآآخ يالقهر .. تدري متى حسيت بالذل والهوان في هالبارت :

وتوني بافتح باب البيت الا ابو شنب ماسك مسمار
وقاعد يكتب على موتري 10 تقسيم 2 يساوي 5
وسألني: وين ذالف؟! ... قلت: مهوب شغلك...
قال ابو شنب: وش قلت!!


آآآآع وشذا ؟؟!!!!:dirty10:
صدز حسيت أنك متعودن عالذل:solong:
ومتمرسن فيه بعد :d


أقول وأنا وخيتك..
لامنه غلط عليك هالكتكوت البايخ قوي قلبك وأشويه لا شوتنا نار الآخره :m3a9eb:
ترا يمدحون لحم الكتاكيت العربجيه يقولون قويه من الخارج و طريه من الداخل ..:5eshah5abeetah:
..<< لا تعليق على بو شنب ..أخاف يطق بابنا بالعجرا لو تفوهت بأسمه :gam6ah:
<< حشى فولدمورت ذا :d (فولدمورت في فلم هاري بوتر للي مايعرفونه :d)

وبعدين لامن صارت ذي قديمه ورنا جديدك أحسه أكثر صرقعه:7arrah:..
وحرك القسم اللي صارله مبطي وهو نايم << وش عرفس أنتي! :blink:

نبي نضحك :d نبي نقهقه قهقهه مدويه! لجعل المتسان اللي
حنابه يسد أذنيه من الضوضاء والصلفات القهقهيه اللي تجعلنا نرفه عن أنفسنا
بإصداراتك :ok:<< أنفع روائيه :shy:؟ << :s


وتسلم تسلم على هالروايه اللي تفتح النفس للقراءه والمطالعه :d
..أضحك الله سنك :d....وأبد .. خلصنا من التعليق << :ablah3a6eyat:

..

:rose:

.

[أبو عواد]

بس ما قلتلنا وش سويت بـاختبار الرياضيات يوم تسأل أبو شنب هو متأكد من الإجابة ولا لا:hu3:
إنت اليوم أثبتلنا فايدة مقولة الشياب المعتادة "خلك رجال و لو مرة بـحياتك" فـالمرة هذي خلتك العربجي رقم 1 بالحارة:boxing: << لا تدقق بالترتيب;)