ناصـر الفراعنــة

[اهاا بس اهاا]

بسـم الله الرحمـن الرحيــم

السـلام عليكـم ورحمـة الله وبركاتــه


؛؛


قصيــدة شاعــر الثقليــن [ ناصـر الفراعنـة ] .. في مسابقـة شاعـر المليــون

قمــة الخثلمــة يابـو فــارس قســم باللـه :d


http://www.youtube.com/watch?v=7vhbBrtdM-g


وهذي أبيـات القصيــدة


ناقتـي ياناقـتـي لاربــاع ولاسـديـس وصليني لابتي مـن وراء هـاك الطعـوس

حائلاً رابع سنه من خيـار العيـس عيـس خفهـا لادرهمـت كنـه بالنـار محسـوس

في دجى خالي خـلا لاحسيـس ولانسيـس تدوخك من شدة البـرد طقطقـة الظـروس

في عيوني يكفخ الطيـر ويطيـح الفريـس وانتهض جساس من دون خالته البسـوس

وفي خفوقي فرخ جنيتاً يضـرس ضريـس يوم اوردها هجـوس واصدرهـا هجـوس

ديرتي دار ابن ضاري وابن غثلـم جريـس ديرة اللي دوجوا في فيافـي نجـد جـوس

ديرتـي يابنـت شيخـاً ومعدنهـا نفيـس عيطموسـاً دونهـا دثرتنـي عيطـمـوس

جادلاً مطرق جسدها مـع الغربـي يميـس طينتاً من تربـة الخلـد والـدم محمـوس

نقشت خمساً من الخمس في يوم الخميـس ليـت شعـري مـا ارادت بهـذا دختنـوس

كـم تمنـا إن معـه مثلهـا فتنـه بليـس كان يمكن قد قلب نصـف إمتنـا مجـوس

كن دماث الصدر منهـا كنيسـه او كنيـس صومعة رهبـان ديـراً يـؤدون الطقـوس

آتقـوس مـع تقـوس نواهدهـا وإقيـس قبتين قـاب قوسيـن قوسـاً جنـب قـوس

خصرها يحكي لنـا واقـع القـوم التعيـس وردفها عن غطرسة بـوش يعطينـا دروس

وبالرغم من قصرهـا مايجالسهـا جليـس تصبح أطول نسوة الارض في وضع الجلوس

العروسه ماتبي غير ابـو تركـي عريـس العروسه نجـد ماهيـب حـي الله عـروس

نجد بنت المجد ونسـة مونسـة الونيـس ماعسفها الا معزي ضحى اليـوم العبـوس

كل اهل نجد هلي من إجاء حتـى الخميـس في ذراهم بالتجي عـن مجففـة الرسـوس

وعيشتي مابين أسوداً ولـو مانـي رئيـس (خير من كوني رئيساً على شلقـة تيـوس)

وليس عيباً إن خدعني بمكـره كـل هيـس لان مايفهـم بمكـر الهيـوس الا الهيـوس

مصطفى في مأدبـة عمـه البابـا لويـس كبر اللقمه تحـت ضـؤ حمـراء الكـؤوس

وطسم حدتها على حائـط المبكـى جديـس يوم شقـت ثوبهـا بنـت عفـار شمـوس

سيدة هـاك القصـر أسمهـا الاول لميـس دونها سمر الحناجـر بترهـا حـد مـوس

قسقسـة لاحرارهم.قيس.قيس.قيس.قيـس والبستهم مـن مهانتهـم انـواع اللبـوس

بين خدعة كعـب اخيـلاً ومولـد ادونيـس درسونـا الالهـه والمـدرس هـنـا روس

ويش لاقوا من قناة السويس اهل السويـس وويش لاقوا من تلمسان قوماً من سنـوس

كلهم من شـدة الجـوع راحـوا خندريـس بين غيبوبة مخدر وصحوة عـرق سـوس

ثـورة راحـوا سببهـا بتـوع الاتوبيـس وش نبي فيها وهـي ماتهـز الا الغـروس

آفة المرء اثنتان الف كـاس وحـب كيـس والنفوس اليا بغيت اتعرفهـا ارم الفلـوس

ينكشف زيف الشعارات الى حمي الوطيـس ترجع الاذناب إذناب وتبقـى الـروس روس

صدق لاقال العرب مايحـوص الا الخسيـس ولايوط الروس شئياً مثل ضعـف النفـوس


؛؛

وتحياتي للجميـــع


أ. هـ. ب

[مزعلة النسـا]

ياااااااااااااااااااااااوك .. على هالقصيد للي يسطل ..

هالشاعر ماشاء الله عليه خطيييييييييير:ok: ..

بس هذي الحلقه من شهر تقريبا .. والثلوث هذا بيجي بالبرنامج ..

العروسه نجد
http://www.mamdou7.com/vb/images/icons/dirtystreet s/004.gifماهيـب حـي الله عـروس <== كم اعطيه ويكتب لي مثل هالبيت :blink:..


والا هذا من جد قوووووووووووووووي ..

آفة المرء اثنتان الف كـاس وحـب كيـس والنفوس اليا بغيت اتعرفهـا ارم الفلـوس

ينكشف زيف الشعارات الى حمي الوطيـس ترجع الاذناب إذناب وتبقـى الـروس روس

صدق لاقال العرب مايحـوص الا الخسيـس ولايوط الروس شئياً مثل ضعـف النفـوس

يسلمو اخوي ..

[خليك بالشارع]

قلتها واقولها من جديد .. ما خلاني احب الشعر الا ابو فارس :ok:

بس شف وش كاتب عنه راشد البسام في مجلة فواصل - العدد 217 - 15 فبراير 2008م - ص 38 .


~ ما عندك أحد ~

صار شعراء الخليج ما يحصلون على الشهرة إلا بطريقة أبطال المصارعة الحرة اللي تعتمد على إيهام الجمهور بأنهم بشر غير عاديين, وهم في الحقيقة عاديين جداً.

فمثلاً المصارع الملقب بالشبح هوكما نعرف جميعاً ليس شبحاً إذ إن الأشباح لا تمتلك شركات ناجحة كحال هولك هوقن. ومثل آخر: بعض الشعراء يحاول أن يوهم الناس بأنه مخاوي للجن, ويحاول أن يكرس هذه الفكرة في قصائده, مع أنه في الحقيقة / كما تؤكد مصادري الموثوقة / ما ينام إلا والنور "والع" .. إنتهى

وكثر الهجوم المبطن والغير مبطن على فرعون الشعر ناصر الفراعنه في المجلات والمنتديات في الآونه الأخيره وهذا تفسيره بلا أدنى أشك ( إذا أتتك شوته من الخلف .. فاعلم بأنك في المقدمة يابو فارس :d ) ..

ولا اخفيك حتى انا تعرضت لهجمات كثيره في المنتديات <== يا رجال استريح :d

الله يعطيك العافيه اهااا بس اهااا على القصيده الرائعة لشاعر كبير :ok: ..

[مزعلة النسـا]

قلتها واقولها من جديد .. ما خلاني احب الشعر الا ابو فارس :ok:

بس شف وش كاتب عنه راشد البسام في مجلة فواصل - العدد 217 - 15 فبراير 2008م - ص 38 .



وكثر الهجوم المبطن والغير مبطن على فرعون الشعر ناصر الفراعنه في المجلات والمنتديات في الآونه الأخيره وهذا تفسيره بلا أدنى أشك ( إذا أتتك شوته من الخلف .. فاعلم بأنك في المقدمة يابو فارس :d ) ..

الله يعطيك العافيه اهااا بس اهااا على القصيده الرائعة لشاعر كبير :ok: ..

اخس .. والله اللي مايستحي ..

اذا اتتك مذمتي من ناقص .. فهي الشهادة لي بأني كامل :coolsmoker:..

والله مخاوي جن مخاوي عفاريت .. الموهيم انه يكتب من قلب وثقافته عاليه ..

يسلمو خليك :ok:

[DEW]

هذا الشاعر والباقي اسااامي :coolsmoker:

والا قصيدة ملوك الجن :ok:

فلللللللللللللته من جد عاد :coolsmoker: ..

يعطيك الف عافية

//

[loty spot]

والله هالقصييده روووعه مع اني ما افهم بذي الاشيااء بس رووعه

هذا الانساان مدري من ويين يجييب كل ذاا الكلام <<<خخخخـ لييه قالولك لوتي :d


يسلموو أخووي ماتقصر يعطييك ربي الف عافييه :)

يلا

سياا

[click]

وعيشتي مابين أسوداً ولـو مانـي رئيـس (خير من كوني رئيساً على شلقـة تيـوس)

وليس عيباً إن خدعني بمكـره كـل هيـس لان مايفهـم بمكـر الهيـوس الا الهيـوس


http://www.getsmile.com/emoticons/smileys-91853/g0/claps.gifhttp://www.getsmile.com/emoticon s/smileys-91853/g0/claps.gif


اول ما سمعت شعرهـ ما فهمت ولا كلمهـ
بس يوم قريتهـ كني فهمت شوي

سؤالـ

الحين هذا نفسهـ السبيعيـ ؟


مشكور اخوي


:rose:

[قطوة مدعوسة]

تسلملنا ياشاعر المليون...

:)

شعر غريب ومعنى قوي ...:ok:

[مزعلة النسـا]

الحين هذا نفسهـ السبيعيـ ؟







هو سبيعي بعد .. وفيه سبيعي ثاني ..

:)