المكالمـات والسواقـة .. [ عمليـة عكسيـة ] ..!

[اهاا بس اهاا]

بسـم الله الرحمـن الرحيـم

السـلام عليكـم ورحمـة الله وبركاتـه


؛؛

أمــس كـنـت جـالـســن عــنــد الـتـلـفـزيــون عـلـى الـســاعــة عـشــر بـالـلـيــل ... واقـلـب بـيــن هـالـقـنـوات واطـيــح عـلـى قـنــاتـنــا الـسـعـوديــة الأولــى .. واشــوف فـيـهــا بـرنـامــج مــادري وش اسـمــه بـالـضـبـط .. لـكــن زبـدة هـالـبـرنـامــج إنــه يـنـصــح الاشـخــاص بـأنـهــم مـايـكـلـمــون بـجـوالاتـهــم لا صـاروا يـسـوقــون مـواتـرهــم ...’


,,


عــاد وأنــا مـتـحـمــس مـع الـبـرنـامــج ومـركــز تـركـيــز شــديــد مـع الـكــلام والـنـصـايــح الـلـي يـقـولـونـهــا وبـدون سـابــق إنــذار ..:


ســرابـي خـيـالــي لـلــشــارع وزحــمــة الـسـيــارات وازعــاج الـبــواري خــصــوصــا حــزة الـظـهــر فـي شــارع الـبـطـحــاء الـلـي مـن شــدة الـزحـمــة تـحـسـبـنـكـ فـي الـقــاهــرة ..

هــمــن سـرابـي خـيـالـي لـبـعــض حــالات وشـكـلـيــات الأشـخــاص وهــم فـي ذروة اتـصـالاتـهــم ... وجـمـيـعـهــا مـن وحــي خـيــال يـعـنـي احـتـمــال يـكـون فـيــه شــيء صــحـيــح واحـتـمــال يـكـون فـيــه شـيء مـبـالــغ فـيــه ...’

,,

واحــد طـالــع لـدوامــه الـســاعــة 7.30 الـصـبـح ... طـاق ابـوالـتـرسـيـمــه .. وجــه بـشـوش ومـبـتـسـم ( ايـه افـلـقـنـي ) ... وكـان عـلـى الـدائـري الـشـرقــي بـاتـجـاهـ الـمـطــار تـحـديـدا بـعـد مـخـرج 14 ... تـبـدأ الـزحـمــة الـلـي يـسـبـبـهــا الـمـخــرج الـمـؤدي لـطـريـق خـريـص بـاتـجـاهـ الـغــرب

كـل عـشــر ثـوانـي ارفــع رجـلـك عــن دعـاســة الـبـنـزيـن لـمــدة ثـانـيـتـيـن فـقــط .. هـمـن رجـعـهــا مـكـانـهــا

هـالـلـي طـالـع لـدوامــه وطـاق ابـو الـتـرسـيـمــه ... جــاهـ اتـصــال مـن واحــد مـعــه فـي الـعـمــل وكـان يـقــولــه لاتـنـســى تــرى الـفـطـور عـلـيـك الـيــوم

وجـلـس خـويـنـا يـضـحـكـ ويـا خـويــه ... مــرت عــشــر ثـوانــي ... رفــع خـويـنـا رجــلـــه عــن دعــاســة الـبـنـزيــن لـمـدة اربــع ثـوانـي ... لأنــه كـان مـشـغــول بـسـالـفــة مـع خـويـه الـلـي بـالـعـمــل

يـعـنـي عـنـدهـ زيـادة ثـانـيـتـيـن ... بـالـزيـادة هـذي قــشــع الـمـوتـر الـلـي قـدامــه ... والـلـي كـان وراهـ قـشـعــه .. وصـارت الـقـشـعــه مـضـاعـفــة لـلـمـوتـر الـمـقـشــوع اولـن

[ وكـان سـبـب هـالـتـقـشـيـعــات مـكـالـمــة تـذكـيـر بـالـفـطـور وسـالـفــة عـالـطــايــر ]


,,


وفـيــه واحــد بـعــد عـلـى الـطـريـق الـدائـري الـشـمـالـي بـاتـجـاهـ الـغـرب .. تـحـديـدا عـنــد مـخـرج ابـن ثـنـيـان

وكـان نـاوي يـروح لـجـامـعــة الـمـلـك سـعــود ... بـس مـاراح هــّـون مــاراح لـلـجـامـعــة والـسـبـب إنــه قـبــل مـايـوصـل الـمـخـرج الـمـؤدي لـلـجـامـعــة ونـفــرض إنــه كـان عـنـد الـمـخــرج الـلـي قـبـلــه

اتـصــل عـلـيــه واحــد مـن اخـويـاهـ يـقـولــه ...( يـافــلان ويـنـكـ فـيــه تـعــال بـسـرعــة تـرى فـيــه اخـتـبـار ) وجـلـس خـويـنـا يـسـألــه وشـلــون ومـتـى واصـلـن وش الـمـادة الـلـي بـيـخـتـبـرونـهــا

صـار قـريـب مـن مـخـرج بـن ثـنـيــان بـس لـلآســف مـانـتـبــه لأنــه جـالـس يـسـأل خــويـّـه اسـألــه بـإمـكـانـه يـطـرحـهـا عـلـيــه لا تـقـابـل ويـاهـ ( اجـل يـسـألــه الـســاعــة كـم حـطـيـت راسـكـ )

فـي آخــر لـحـظــة انـتـبــه لـلـمـخــرج ... حــذف مـوتــر لـلـمـخــرج بــس مــاش مـاجـات صــح مـعــه .. لأنــه دخّــل بـيـبـان مـوتــر أو أكـثــر كـانـوا واقـفـيــن عـنـد بـدايــة الـمـخــرج يـحـتـرون الإشــارة تـفـتــح


وراح عـلـيــه الاخـتـبــار وراحـت عـلـيــه الـمـحـاضـرات وتـسـبـب عـلـى نـفـســه وعـلـى غـيـرهـ بـتـدخـيـل بـيـبـانـهــم ... والـسـبـب ..:

[ كـلــه مـن مـكـالـمــة مـفـاجـأة بـوجــود إخـتـبــار مـع شـويــة اســألــة مـاصـلــة ]



,,


وفـيــه واحــد ايـضــا راجــع مـن دوامــه .. حـالـه حـال الـمـداومـيـن كـلـهــم ... كـانـت الـســاعــة تـشـيــر إلـى مـايـقـارب الـثـلاث الا ربـع ... وعـلـى طـريــق خــريــص بـاتـجــاهـ الـشــرق ... وتـحـديـدا بـعــد رئـاســة الـحــرس الـوطـنـي وقـبــل الـمـخــرج الـمـؤدي إلـى الـدائـري الـشـرقـي بـاتـجـاهـ الـجـنـوب والـدائـري الـشـرقـي بـاتـجـاهـ الـشـمـال ... أو إنـكـ تـطـلــع عـلـى طــول إذا إنــت تـبـي شــرق خــريــص

كـان هـالـشـخــص نـاوي يـدخـل الـمـخــرج الـلـي وصـفـنـاهـ فـوق ... ولابــد إنـكـ تـركــز مـضـبـوط ولا راح عـلـيـكـ مـكـانـكـ

خـويـنـا كـان مـركـز تـركـيــز غـيـر طـبـيـعــي وكـانـت الـشـمــس لاعـبـه لـعـبـتـهــا كـمـنـشـط لـلـطــاقــة

لـكــن اخـتــل تـركـيــز خـويـنــا والـسـبـب هــو جـاتـه رسـالــة .. بـس مـافـتـحـهــا ... ورجــع يـضـبـط الـتـركـيـز مـرهـ ثـانـيــة

عـقـب مـاضـمـن إنــه بـيـدخــل الـمـخــرج .. طـلــع جـوالــه وفـتــح الـرسـالــة واثــرهــا كـول مـي ... بـس مـايـدري مـن الـلـي مـرسـلــه والـرقــم كـان غــريــب عـلـيــه .. جــلــس يـتـذكـر الـرقــم إن تـسـانــه يـعــرفــه ولالا

أخـيــرا عــرف رقــم مـيــن وجــاء بـيـتـصــل بـس مـاتـصــل ... والـسـبـب إنــه الـلــه يـصـلـحــه دخـل فـي الـمـسـطـح الاخـضــر الـلـي عـنـد الـمـخــرج .. ويـالـيـتــه اكـتـفـى بـالـدخـلــه .. الا خــذا مـعــه شــجــرتـيــن ونـخـلــة تـوهـا فـي عـز شـبـابـهــا


هــدم الـمـنـاظـر الـجـمـالـيــة لـلـطــرق ... وقـشـع شـجـرتـيــن ونـخـلــه .. والـسـبـب ..:

[ كـلــه مـن رسـالـة كـول مـي كـانـت مـجـهـولـة الـهـويــة ]


,,


عـلـى الـســاعــة اربــع ونـص الـعـصــر ... وعـلـى الـدائـري الـشـرقـي .. بـس هـالـمــرة بـاتـجـاهـ الـجـنـوب .. وتـحـديـدا مـن بـعــد مـخــرج 13 وصـولـن إلـى مـخــرج 16 .. وزحـمــة مـواتــر غـيــر شـكــل هـالـمــرة

والـسـبـب مـشـاركــة الـتـريـلات لـلـمـواتــر الـصـغـيــرة الـطـرق الـدائـريـة كـلـهــا

فـي وسـط الـزحـمــة وقـلــة أدب بـعــض قـائـدي الـمـركـبــات الـلـي يـسـقـط عـلـيـك بـدون إشــارة .. وتـكـع فـرامـل فـي وجــه الـلـي وراكـ .. وعــاد هــو وشـطـارتـه يـا إنــه يـحـاول مـايـقـشـع شـنـطـة مـوتـركـ ... يـا إنـه بـيـقـشـعـهـا قـشــع مـاعـمـركـ شـفـتــه .. وهـالـلـي يـسـقـط بـدون إشـارة مـاعـلـيـنــا مـنــه

عـلـيـنــا مــن الـلــي مــاسـك الـسـيــد الاوسـط واحـيـانـا تـحـصـلــه حــاذفـن شـوي عـلـى الـسـيــد الايـســر أو إنــه يـخـربـهــا ويـمـسـكـ الأصـفــر

بـس تـلـقــاهـ يـمـشــي 60 كـم ... ويـكـلــم واحـــد يـوصـفـلــه مـحـل مـهــب حــول الـدائـري ابــدا ... وتـحـصـلــه مـعـطــل حـركــة الـسـيــر ومـسـبـب زحــمــة لـلـنــاس ودايـم تـلاحـظـونـهــا إن الـزحـمــة تـكـون عـلـى سـيــد واحــد فـي حـالــة وجــود سـلـحـفــاة جـايـهــا طـلــق ويـالـلــه تـمـشــي

عــاد هـنــا مـسـمـوح بـالـمـسـاقـط بـدون إشــارات تـنـبـيـهـيـه

يـجـيـــه واحــد طـفـشــان وحـالـتــه يـرثـى لـهــا ... ويـسـقـط عـلـيــه ويـهـدي جـنـبــه هـمــن بـاطـرف شـريـط يـحـذفــه عـلـيـــه ... والـلـي يـقـهــركـ إنــه مـازال مـصـمـل عـلـى تـعـطـيــل الـسـيــر لـعـيــون الـوصــف ... ويـاكــم واحــد يـهـدي جـنـبــه ويـنـبـهـه ... ويـاكــم واحــد قـالــه صـفـر صـفـر واحــد صـفـر صـفـر ... ... لـدرجــة إن فـيـــه واحــد جــالــس يـبـتـسـي وهــو مـهـدي جـنـبــه بـس لا حـيــاة لـمـن تـنــادي

جــاء واحــد مـن الـلـي مـايـعــرف لـلـتـفــاهــم طــريــق ... سـقـط عـلـيــه بـس مـاهـدى جـنـبــه ... لا راح قـدامــه وكــع فـرامــل فـي وجـهـه .. وخــلاهـ يـحـذف بـالـمـوتــر يـا تـحـت تـريـلــة كـانـت عـلـى يـمـيـنــه .. أو يـحـذف بـالـمـوتـر لـلـصـبـات الـمـوجــودة عـلـى يـسـارهـ

هـاهـ الـحـيــن وش اسـتـفـدت لانـت الـلـي رحــت لـلـوصــف الـلـي جـاكـ .. ولا فـكـيــت عـمـركـ مـن دعـاوي اهــل الـنـفـوس الـخـايـســة


صـحـيــح إن الـســرعــة مـهـب زيـنــة .. بـس عــاد لا تـعـمـيـهــا وتـمـشــي عـلـى الـدائـري الـعـصــر مـثــل مـشـيـة تـالـي الـلـيــل .


,,


آخــر خـيــال واقـعــي ومـنـتـشــر بـكـثــرة فـي تـالـي الـلـيــول

اطـلــع عـلـى الـدائـري ولا عـلـى الـمـلـك فـهــد ... تـشــوف الـسـيـارات كـلـهــا مـتـقـيـدة بـالانـظـمــة الـمـروريـة .. مـهـب خـوف مـن عـقـوبـات مـخـالـفــة الانـظـمــة ... لالا بـعـيـديـن عـن هـالـشــيء


فـيــه واحــد هـالـمـرة عـلـى طـريــق الـمـلـك فـهــد .. مـاسـكـ الـوسـط ... ومـهـدي الـسـرعــة تـقــول تـسـنــه الـسـلـحـفـاة الـلـي فــوق

بـس مـهـب يـاخــذ وصــف مـحـل ولا أي مـكــان ... لا يـاعـيـونـي جــالــس يـاخــذ حـنـان الـدنـيــا كـلـهــا ... ورايــح فـي خـرايـطـهــا ... لـو تـحـذف مـوتـركـ عـلـيـــه مـاحــركـ سـاكـن لـعـيــون وصــف الـحـنــان ... يـانـاس عـطـوهــم جـوهــم ... ولا تـخـربـون عـلـيـهــم ... مـادامـهــم يـاخـذون وصــف حـنـانـات


اهــّون


مـن الـلـي يـمـسـك الـدائـري ( رجـعـنـا مـرة ثـانـيــة ) أو أي طـريــق ثـانـي اهــم شــيء مـافـيــه اشـارات ولا لـفــات .. يـعـنـي طـريــق كـلــه عـلـى طـول

وتـحـصـلــه مـهـدي الـســرعــة ويـمـشــي بـيـن خـطـوط عـيـون الـقـطـط عـشــان تـضـبـط لـفــة الـفـرطــة

وعـقـبــه عــاد تـلـقــاهـ شـوي مـاسـك الـيـمـيـن .. شـوي مـاسـك الاصـفــر .. شـوي تـشـوف انـوار الـريـوس اشـتـغـلـت ... يـعـنـي فـهــاوة لاحـدود لـهــا ... وعـســى يـعـافـيـهــم ولا يـبـتـلـيـنــا .


؛؛

بـعــد هـالـكــلام الـواجــد ... رجـعـنـي خـيـالـي الـلـي سـرابـي لـ واقـعـي ... وانـتـبــه لـلـبـرنـامـج اثـاريــه مـخـلـص لـه سـاعــة

بـس عـطـانـي أخــوي الـزبــدة .. يـقــول إنـهــم يـنـصـحــون بـعـدم اسـتـخـدام الـهـاتـف الـمـحـمـول اثـنـاء الـقـيـادة فـي الـطـرقـات الـسـريـعــة ... وفـي حـالات ازدحــام الـمـركـبـات


قـلـت عــاد لـ أخــوي ... ضـنـكـ وانــا اخــوكـ إن فـيــه احــد تـابــع هـالـبـرنـامــج غـيـري وغـيـركـ ..؟

قـالـي .. يـعـنـي إنـت مـصـدق إنـكـ مـتـابــع الـبـرنـامـج .. فـيــه احــد يـتـابـع التفلزيـون وهــو يـنـاظـر الـسـقــف ... ولا أنــا عــاد الـلـي مـتـابــع ... شـفـت لـقـطــة مـنــه .. قـلـت لـهــم لا يـكـثــر وغـيـرت الـقـنــاة .


,,

تنبيـه بسيـط

[ سبق وأن طرحـت الموضـوع في منتـدى مـا ]

ولـكــم إنـتــم مـنـي اجـمــل تـحـيـــة

اهـاااا بـس اهـاااا

[خليك بالشارع]

موضوع إكه يابو بس اهااا :ok:

بالنسبه لي موظف بشركه ما تسمح باستخدام الجوال اثناء السواقه في مرافقها من قبل ما تطبق السعودية هالقانون .. واذا جاك اتصال مهم ولازم ترد عليه توقف بسيارتك على جنب وتولع الفلشر ثم تستقبل المكالمه ..

وهناك حقيقه علميه تقول ان كل ما كبر الواحد بالعمر تقل قدرته على التركيز بنسبه معينه ولذلك عادةً تلاحظ سواقة الشياب مدافش .. والجوال بلحاله يؤثر على تركيز السائق على الطريق بنسبة إضافيه بعد ..

فعند الشايب مثلاً التركيز يصير شبه معدوم على الطريق اذا كان يسوق وهو يكلم بالجوال! .. وعند الشباب يصير تركيزه كنه تركيز شايب بالستين من عمره ..

في اليابان مثلاً سووا دراسه ميدانيه واكتشفوا ان ثلاث ارباع الحوادث المروريه الي تصير عندهم بسبة ان المتسبب بالحادث كان يسولف بالجوال وقت وقوع التشميعه!

مُثبت + هوليوود بوليفارد :ok:

[رآيـق]

ماشالله دايماً متميز في طرحك يابو بس!! << بس ولا نمر :d<< يالـــــــيـــــــــل السماجه...من زمان ما انجلد

واخبر اول سو دراسه في احدى الجامعات...ما اذكر والله ((جامعة الخرطوم في السودان -على ما اضن- Elephant Nose University In Sudan )) انه الواحد اذا كلم وساق -ولا فخذ- << من جد يبي ينجلد :jald:

يساوي الواحد يسوق هو سكران.... يعني السواقة اثناء التحدث بالجوال = السواقه تحت تخدير البلاك او الوسكي او -للبطرانين :7arrah: - الفودكا

يعني الي يكتب SMS اثناء السواقة = السواقة تحت تخدير الحشيش او الكوكايين او الكبتاجون

اما الي داخل النت هو يسوق هذا شي ثاني...!!

[قطوة مدعوسة]

ابد ولا يهمك اها بس اها

خلى الحريم يسوقون والله لافصل رقمي والغي الجوال كلهــ من الحياة

:)

نورت //،،// وتقبل مروري..//،،//

:)

[شقرا ومسافرة برا]

خخخخخخخخخخخخخخخخخخ


موضوعك فلللله من جد خيالك قريب للواقع :d


بس وصفك كان دقيق مررررة مرررة أحس تعبت عيوني وانا اركز في وصف الشوارع حتى تخيلت نفسي أني على خريطة الرياض < طيب لا يكثر


هذا واتقدم بالشكر لـ الاخ رأيق عشاني فعلا فطست ضحك على رده خصوصا لما قال ( ساق ولا فخذ ) :d



و دمتم

[THE BIG BOSS]

اييييييييييييه

لاحلق شنبي .. اذا احد طبق قرار الغبره دا عندنا ..:7arrah:

قال ايه .. لا ترد على الجوال و انت تسوق :yestahbel:

كانت سعودة الليموزينات اشطر:longtongue:



:coolsmoker:
THE BIG BOSS

[مزعلة النسـا]

والله ماشاء الله عليهم بالكويت طبقوا هالكلام ..

اما السعوديين فلاحياة لمن تنادي ..

قطوه :ok: عجبتيني :7arrah:

[الجزائرية]

وش يعني اسوق واتكلم عادي ياغالي كيف يعني مااتكلم من وين هيدا القانون غريبة يا عااالم