ضيفنا السابع في ~ فوانيس ليالي رمضان ( خليك بالشارع )

[اهاا بس اهاا]

http://i31.tinypic.com/2vxlq94.gif

بسـم الله الرحمن الرحيـم

السـلام عليكم ورحمة الله وبركاتـه



//



http://i25.tinypic.com/v78fwz.gif




وفي الليلة الاربعطشر من ليالي شهر رمضان المبارك .. نستضيف وإياكم
عمـود الإرتكـاز لـ منتديات جسد اللقافة .. لـ الشخص رقـم 1 في منتديات جسد اللقافة :d
سجل ياتاريخ وآكتب ياقلم .. آن هذآ آول لقـاء يجرى لـ ضيفنـا الكريـم
في منتديات جسد اللقافة




سابـع ضيفونا في (ْ~ فوانيـس ليالي رمضـان ~ْ) .. هـو :/-





خليـك بالشـارع





طبعا ماتحتاجون توصيـة .. هذا المدير هذا المعلم هذا المرعب المتوحّش :d
بس تعالوا هنيتـا (http://www.mamdou7.com/vb/showpost.php?p=31884&postcount=1) .. قبل مايقفل المنتدى :d





لـ المعلوميـة .. راح تنتهي فترة طرح الاسئلة ع الضيف .. يوم الاثنين تالي الليل
وياليت نطلع هالاستضافة بالشكل اللي يليق بـ جسد اللقافة وخليك بالشارع :)




**



خليك بالشارع .. بالتوفيـق ياتسبـدي



:rose:

[هيهات]

خليك بالشارع ..كل عام وانت بخير:rose: ..

و

happy 8r8ee3an :grouphug:


اول شئ :5eshah5abeetah:



مع انخفاض اسهم المنتديات وارتفاع اسهم المدونات \ المجتمعات الالكترونيه كـfacebook\taggit\netlog -وطبعا لا اقارن المنتدى بغيره من المنتديات السطحيه - عموما ..هدفك وراء تثبيت وترسيخ هذا الصرح:dirty11:؟



ثاني شئ :5eshah5abeetah:



الهوايات:
من ابرز اهتماماتي اشعال الطرطعان ومتابعة آخر فيديو كليبات روتانا .. يعني باختصار شديد انسان تافه

..كيف تصف نفسك بالانسان التافه ..يعني بالعربي لماذا !



والله يوفقك يا ماش مهندس:mayshoofzain: .. والله يعين المدام عليك:bowdown: ...


*

[سوكّرهـ ~]

,



خليك بالشارع ..

من لونك عرفت انك كبير الحتّه :d > ياربيه يامخك



هذي بعض الاسئله منها ماهو شخصي ومنها ما هو يخص المنتدى !


1 / جسد اللقافه .. من وين سارق هالاسم :d ؟

2 / بصراحه .. جسد اللقافه إلى أين ؟

3 / لاحظت اغلب ردودك تكون مختصره .. هل أنت كذا بحياتك الواقعيه ؟
والا بس معنا بالمنتدى عشان يقالك ثقيل ولا تعطينا وجه :d !

4 / هل فيه أمل تغير ستايل المنتدى ؟ لأنه معي زي السلحفاه !
ومتأكده هالشئ مو معي انا بس ! :)

5 / خليك بالشارع .. :blink: ابيك تقولي كل شئ يخص هالاسم :blink:
يعني ليه مختاره ؟ ووش يعني لك ؟ وكيذا :d

6 / أقسام المنتدى .. لاحظتها .. تختلف عن اسلوبك " المختصر "
فـ هل فيه أمل تقللون من الكتابات اللي تحت كل قسم ؟ :)

7 / الاستقلاليه - الاختلاف - التميز .. هل هالالفاظ بنظرك متشابهه ام مختلفه , ولماذا ؟

8 / خليك بالشارع .. اوصف لنا يومك العادي .. في سطور ..

9 / طموحك .. إلى أين يصل ! :da5:

10 / كثرت عليك بالاسئله ادري .. سؤالي الاخير والمعتاد
وش رايك فيني ؟ :d









:rose:

[خليك بالشارع]

السلام عليكم ورحمة الله وبركاته ..

طبعاً اشكر اهاا بس اهاا على هالديباجه الي يمكن ما استحق ربعها .. وابدرعم على الأسئلة على طول لأني معزوم على الفطور اليوم عند أهل المدام ومستعجل :rose:

خليك بالشارع ..كل عام وانت بخير:rose: ..

و

happy 8r8ee3an :grouphug:


اول شئ :5eshah5abeetah:



مع انخفاض اسهم المنتديات وارتفاع اسهم المدونات \ المجتمعات الالكترونيه كـfacebook\taggit\netlog -وطبعا لا اقارن المنتدى بغيره من المنتديات السطحيه - عموما ..هدفك وراء تثبيت وترسيخ هذا الصرح:dirty11:؟



ثاني شئ :5eshah5abeetah:





..كيف تصف نفسك بالانسان التافه ..يعني بالعربي لماذا !



والله يوفقك يا ماش مهندس:mayshoofzain: .. والله يعين المدام عليك:bowdown: ...


*

هيهات .. كل عام وانتي بخير وبصحه وسلامه وهابي قرقيعان انتي بعد :rose:

بالنسبة لسؤالك الأول : فعلاً لاحظت مؤخراً ان المنتديات صارت موضه قديمه في مواجهة المدونات والمجتمعات الالكترونية الي تفضلتي بذكرها .. ولكن ما زال عندي الإيمان الراسخ ان قديمك نديمك لو جديدك اغناك وبيرجعون للمنتديات من جديد .. لأن الشعب العربي شعب ملول بطبعه وفي نفس الوقت شعب يطير بالعجه بسرعه .. وقريباً بيزهقون من المدونات لأنهم بيلاحظون انها ما كانت مجال مناسب لتبادل وتطوير الخبرات ولكنها كانت مجال لعرض خبرات وقدرات معظمها تكونت أساساً في المنتديات الراعية للإبداع والمبدعين .. أما المجتمعات الالكترونية مثل الـ Facebook ... إلخ فـ مدري وش تبي بصراحه! ولا أملك أي حساب في أي منها ولا ودي بصراحه! .. لأني استعرضت بعض صفحات عيال خالاتي وعيال خوالي وعن طريقها تعرفت على شجرة العائلة والأصدقاء بالكامل وكذلك تعرفت على أسماء أمهات أصدقاء عيال خوالي وخالاتي وعلى الكثير من الأمور الخادشة للحياء .. وحامت كبدي من جد عندما قرأت ما كتبه أحد عيال خالاتي في الفيس بوك وقد كتب "أنا متعب الآن وبحاجه للنوم لمدة ثمان ساعات" وقد كتبها باللغة الانقليزية بعد! .. أنيشتاين مهوب ولد خالتي .. ياخي والله لو تنام 24 ساعة ما راح يختلف توازن الكون :d ..

ومن جهة ثانية عندي احساس بعد ان المنتديات ما صارت موضه قديمه ولكن المنتديات هالايام صاير عددها يزيد عن عدد مستخدمي الانترنت في العالم .. يعني الآن اتوقع النسبة صايرة منتدى عربي لكل ثلث مستخدم انترنت بالعالم ..

ولكن يبقى الهدف من وراء تثبيت وترسيخ هذا الصرح هو توسيع رقعة المنتديات المحاربه للكوبي بيست والمصالة وهي ما زالت رقعة صغيرة جداً على الانترنت العربي .. كذلك فتح المجال للي ودهم يبدعون بالمنتديات بس يستحون من المشاركه في المنتديات الابداعية الكبيره مثل الاقلاع .. منتدانا هذا يعتبر بيئه مناسبه لهم .. كذلك اليوم صار من الصعب ابراز اسم المبتدئ في منتدى كبير .. ومنتدانا هذا قد يكون بعد مكان مناسب لإحاطة المبدع المستجد بهالة وتركيز قد لا يجدهم في المنتديات الكبيرة .. ويبدأ بصنع اسمه في منتدانا .. ومنتدانا ولله الحمد تراه صار محط أنظار ومتابعة الكثير اليوم وما زلت اشوفله مستقبل قوي ان شاء الله ..

أما بالنسبة لسؤالك الثاني : صعب اقول عن نفسي اني انسان رهيب علشان ماتقولون عني ماخذ مقلب بنفسي :d ..


لي رجعة ان شاء الله لأسلئة سوكّرهـ ~

[اهاا بس اهاا]

لي باك يابوبندر

:rose:

[خليك بالشارع]

حياك الله سوكّرهـ ~ ..

خليك بالشارع ..

من لونك عرفت انك كبير الحتّه :d > ياربيه يامخك

ما كبير الا الله سبحانه :rose: .. والكبار في نظري بعد الله سبحانه أعضائه المبدعين الي قاعدين يرفعون اسهم المنتدى واسمه بين المنتديات الثانية .. ولا انا بلحالي وش ابسوي؟! .. انا مجرد ممول وراعي رسمي لهالمنتدى لا أكثر ولا أقل ..

1 / جسد اللقافه .. من وين سارق هالاسم :d ؟

من جسد الثقافة :d .. ما عرفت وش اسمي المنتدى .. ويمكن مرت عليك فترة التحولات الي مرت على المنتدى من يوم سويناه بأواخر سنة 2007 الين اليوم .. فحبيت يكون الاسم بعيد عن الاسامي الي من نوعية ( المستهترين - المتخلفين عقلياً - الخبول - المهبّل - الثيران - عيال الكلب - ملاعين الجدف ) لأن حنا مثل ما قلت في مرة من المرارير ما ودنا نسب اعضائنا بل ودنا يفتخرون بانتمائهم للمنتدى .. وما لقينا بعد مشاورات ومداولات الا انشاء نسخه ساخره من منتديات جسد الثقافة بمسمى جسد اللقافة .. علشان نضمن الاسم والفكرة الساخرة لموقعنا ونبعد عن الاسماء المبتذله هالايام الي يستخدمها زملائنا من المنتديات الساخره والي ترتكز على اهانة الذات ;) ..

2 / بصراحه .. جسد اللقافه إلى أين ؟

مدري :d .. لا امزح معك طبعاً .. لأنه إذا ما كانت لنا وجهة معينة وواضحه اشوف نسكر المنتدى احسن ..
الي انا قاعد اشوفه ان جسد اللقافة قاعد يسير الى دوري منتديات الدرجة الممتازة واسهمه في صعود مستمر ولله الحمد ولكن ببطء شديد وواضح .. يمكن نكون تأخرنا في افتتاح هالمنتدى لكن الي اشوفه انه يتميز عن عشرات المنتديات الي انفتحت قبله والدليل على نجاحه وتفوقه سعي الكثير من المنتديات ( من غير تحديد اسماء ) الى تقليد الكثير من الأمور الي ابتكرناها هنا في جسد اللقافة .. لدرجة حتى البنر حق موضوع بلقيس ( رمضان يجمعنا ) تم استخدامه في 3 مدري 4 منتديات خلال سويعات قليله من اعتماده لدينا فقط :) ..

ويكفيني دليل على نجاح المنتدى وجود اكثر من اسم لامع ومعروف على مستوى النت ككل معنا في المنتدى ومن غير اي معرفه مسبقه مني بهم ومن غير اي مجاملات من قبلهم لي .. ويكفيني بعد اكتشاف اسماء نتوقع لها البروز في عالم المبدعين بالنت ..

جسد اللقافة نجم سيلمع قريباً جداً ان شاء الله في سماء المنتديات العربية .. ولكن يبيلنا شدة حيل اكبر وافكار اكثر ..

3 / لاحظت اغلب ردودك تكون مختصره .. هل أنت كذا بحياتك الواقعيه ؟
والا بس معنا بالمنتدى عشان يقالك ثقيل ولا تعطينا وجه :d !

مرات اكون كذا بحياتي الواقعية ومرات اكون قرقه .. بس غالباً هادي وردودي مقتضبه .. ويمكن في القصص والمواضيع الي اكتبها اسهب في الكتابة والقرقة وتصوير نفسي بصورة هزليه من خلالها .. لكن اكره ما عندي الردود بصراحه :d .. عادةً اذا رديت على الموضوع فتأكدوا ان الموضوع شدني جداً حتى وان كان رد مقتضب :d ..

اما شوفة النفس لا ان شاء الله مهيب من طبعي ابداً وان انغثيت من احد وحسيت انه ما ينعطى وجه ما راح اتثيقل عليه! .. الا بعطيه بوجهه :d ..

4 / هل فيه أمل تغير ستايل المنتدى ؟ لأنه معي زي السلحفاه !
ومتأكده هالشئ مو معي انا بس ! :)

بصراحه طلب غريب .. مر على المنتدى اكثر من ستايل وكان هذا انجحهم باجماع الأغلبية .. وهالستايل هو سبب انتساب الكثير من الأعضاء له :)
على العموم ملاحظة انه ثقيل ملاحظه تشكرين عليها وبنشوف له دبره ..

5 / خليك بالشارع .. :blink: ابيك تقولي كل شئ يخص هالاسم :blink:
يعني ليه مختاره ؟ ووش يعني لك ؟ وكيذا :d

تماماً نفس فكرة جسد الثقافة وجسد اللقافة .. اسمي كذلك النسخه الاستهبالية من برنامج خليك بالبيت حق زاهي وهبي :d ..

كان اسم انتحاري سجلت فيه بمنتديات الاقلاع الظاهر بسنة 2002 والى يومك مهوب عاجبني .. مع العلم ان لي يوزرات مسجل فيها بالاقلاع من سنة 2000 وعدد يوزراتي بالاقلاع تقريباً 8 مدري 9 كلها ماصله :d

وسجلت بخليك بالشارع للاستهبال والتميصل ولهدف واحد فقط انه يتلحط بالحاير .. ولكن الغريب في الموضوع ان شخصية خليك بالشارع الانتحارية هي الي لفتت الأنظار وتوهقت ما صرت اقدر اغيره لأنه انعرف :d ..

وهذا دليل ان كل شخص بداخله جانب ماصل وجانب مبدع لكن يبيلك تكتشف الجانب المبدع فيخمل الجانب الماصل عندك حتى يتلاشى ان شاء الله :d ..

6 / أقسام المنتدى .. لاحظتها .. تختلف عن اسلوبك " المختصر "
فـ هل فيه أمل تقللون من الكتابات اللي تحت كل قسم ؟ :)

مثل ما قلت لك في الكتابة بالع راديو ولكن بالردود تلقيني اختصر .. وفي فترة سابقة اختصرنا الكتابات الي تحت كل قسم فقوبل ذلك بالاستهجان ومن الكثير من الأعضاء ..

7 / الاستقلاليه - الاختلاف - التميز .. هل هالالفاظ بنظرك متشابهه ام مختلفه , ولماذا ؟

ألفاظ مختلفه لأن كل منها له تعريف عندي لا يدل على الآخر ..

الاستقلالية: القدرة على الحياة بعيداً عن اي وصاية ..
الاختلاف: قد يكون اختلاف جيد وقد يكون اختلاف سيء ..
التميز: التفرد بشيء معين حتى وان كان سيء ..

8 / خليك بالشارع .. اوصف لنا يومك العادي .. في سطور ..

انا أُصنف من فئة البيتوتيين .. محافظ واحترم الوقت وملتزم جداً باوقات العمل ..
استيقظ في الصباح الباكر للاستعداد للذهاب للدوام بترويشة على السريع وتناول سندويش جبن وعصير تفاح غالباً وتوديع اطفالي .. ارجع لبيتي من الدوام بعد صلاة العصر تقريباً بعد ما جبت بعض المقاضي الي تطلبها المدام برسالة جوال .. اتروش وابدل ملابسي واتغدى ثم اقعد شوي مع عيالي واشوف برامجي المفضلة بالتلفزيون الين يجي الليل ( الساعة 10 - 11 بالليل تقريباً ) واتعشى سندويش جبن مع شاهي ثم انام انا وعيالي وهكذا دواليك :da5: ..

9 / طموحك .. إلى أين يصل ! :da5:

تصدقين ما فيه طموح :blink:
عجزت القى جواب :d

10 / كثرت عليك بالاسئله ادري .. سؤالي الاخير والمعتاد
وش رايك فيني ؟ :d

شقيتيني شق بالأسئلة :d
ورايي فيك انك من خيرة الأعضاء ( عشانك جيتي تسألين بس :d )

[Mero]

يمسيك بالخير يبو بندر .. وعساك ع القوة :rose:;)
حبيت اسجل حضور لين ارجع بما اني مستعجله واسمع بواري السيارة برا :biggrin:
وتأكد ان في جعبتي ما يشيب له رأسك من زود الوناسه [ ايه زين :d]
على العموم يارب اني ماجيت متأخره ويارب ان اها بس يترفق وماينهي الأستضافه معك
عاد وين نلقاك حنا .. :d

[جلب لب]

صباح / مساء الورد ..



أبو بندر, أجوبه تجذب القارئ
تخليه غصبا عن ابوه يكمل:biggrin:

وهاك اسئلتي المتواضعه :shy:<< آم حق :longtongue:

دعني اشمر عن سواعدي :9afeglaha::

*لاحظت ومن خلال تعاملك وردودك وقلت ملاحظاتك إنك شخص" حليم ", هل هالصفه جد موجوده فيك أو فهمي على قدي ؟!

* كل شخص ناجح معرض للقيل والقال كييف يتعامل خليك بالشارع مع الشائعات:tongue: ؟؟

* هـل القنـاعه في رأيك مثل نظر البعض بأنها " كنز لايفنى " ؟؟ ، وهل انت قنــوع ؟

*صفه أطلقت عليك [ مراراً وتكراراً ] .!؟

* ماهي السعاده بنظرك ؟؟

*أي المقولتين تؤمن بهما أكثر:

"كل تأخيرة وفيها خيرة" or "خير البر عاجله"

*عضو في جسد اللقافة ، تمنيت أن تكون مكانه أو بالأحرى [ تمتلك شخصيته ] .!

* { زدت الطــين بله } < قد سمعها أبو بندر ؟ ومنهو اللي قالها له ؟ ولماذا:7arrah: ؟

:biggrin:

[قرنـ!سة]

،

أوووهووه العُمده الضيف :d
عندي درزن أسئله بكل رد ،
ولابد أن نستلمك ونستغل الفرصه على أشنع وجه :longtongue: :ag:
فخل صدرك شمالي :galb: !

- أولاً : مجموعة من الأشيـآءْ صَرح عنهآ :rose:

* شيء تحسه ينقص المنتدى ؟
* شيء تتمناه ومالمسته بالطاقم الاشرافي ؟
* شيء يعجبك بالمنتدى ؟

* ماتحس إن إقلالك بالردود يؤثر سلباً على المنتدى ؟
* سبب إبتعادك عن الكتابه وطرح مواضيع ساخره ؟
* هل مازلت متابع للروايات والكُتاب الساخرين ؟
* هل تعتبر فتره كتابتك للروايات الساخره طاقه في وقت معين وإنطفت !
* ألآ تعتقد بإن الابتعاد عن عالم الكتابه الساخره
يفقدك الإلهام أو المهاره الي لمستها في نفسك بفتره معينه ؟
* هل تعتبر نفسك شخصيه قيادية ؟ وكم تقيم نسبة قياديتك !
* هل تحيي من يطبل ويهلل لك بغيه الفرار من مقص الرقيب :d ؟
وتعتبره ذكاء وتملق ! أم نفاق وتلعن خيره :5eshah5abeetah: ؟
* هل طفشت من المنتدى :yahoobiggrin: ؟ <- خربتها ع الاخير:fahawah: خخ

أتمنى ماثقلنا عليكْ
وَ لي بـآك إن كتب ربي :rose: :ma3alsalamah: =)

[اهاا بس اهاا]

السـلام عليكـم

آول شيء آسمحلي طآل عمرك آتقدم لك بـ باقة ورد وسطل خلاص توهـ وآصلن من الآحساء
ع التآخير في التدردآش ويـاك :d .. لكن لآتشرهـ طآل عمـرك .. ومشينـآ نطلـّز رجلينـآ
في بعض من الحتسيـآت اللي يحبهآ قليبـك .. بدآل هالحتسآوي اللي بـ تبصم بالمليون آنهآ تشبه للنفاق الاجتماعي :d

ْ~ْ
( حآول آنك ماتكون معزوم اليوم .. عشآن تقدر تخلص من كثرة القرقه :d )


* في البداية وقبل نطب في العميق .. ياليت تحدثني وتحدث جمهورك المتعطش المتبطح خلف الشاشات
عن جميع مايتعلق في بداية معرفتك ودخولك لـ عالم الانترنت بشكل عام والمنتديات بشكل خآص
وكيف قدرت تثبت وجود ( خليك بالشارع ) .. بين فطاحلة اليوزرات السآخرهـ على آيام عزهآ !!

* وآيضا ياليت تحدثني وتحدث جمهورك المتشقق خلف الشاشات عن محاولاتك الآوليه في كتابة
القصة / المقالة الساخرهـ .. وكيف كان تآثير ردود آفعال المتلقين لهآ على نفسـك !!
وياليت تكون آجاباتك بـ كل آسهآب طال عمرك :coolsmoker:


/ْ


فيما مضى من الوقت .. وحينما كنت آشاهد يوزرك في المنتديآت التي تشآرك فيهآ
كنت آقول في نفسي .. يآصبر الآرض :d
لكن .. آضطريت يوما ما / آن آدخل آحد الموآضيع التي تم تثبيتهآ لك في آحد المنتديات اللي كنت مشرف فيهآ .. وكنت مغصوب آدخل الموضوع :d .. لكن قلت وقتها آنا والله اللي يآصبر الآرض مهب هالآطخماني
وكآن آول موضوع قرآته لك هو رواية مصاص الدمـاء .. وبدآت متابعتك آولآ بآول :rose:

* فـ ودي آعرف كم آستغرقت في كتابة هالروآية اللي لو قرآهآ نجيب محفوظ قبل يموت
كآن آصابه مرض العنقز ,, وآيضا الآجواء اللي كنت عآيشهآ خلآل مرآحل كتابتك لـ هالروآية !!



/ْ

خليك بالشـارع .. آنحرمت جمآهيرك من الاستمتاع بـ فنك السآخـر !!

* مالآسبـآب اللي جعلـت خليـك بالشـارع مقل وبقـوة عن آيـآم آول بـ الكتابـة !!

/ْ

صف لي شعورك الحآلي حينما تتذكر مايلي /~

* رواية الجميلة والتمساح .. رواية من الأدب السعودي
* السيد خليك بالشارع .. رئيس بلدية مدينة السعبولة
* رواية بائع البيتزا ( والقطعة اللي رحتوآ توصل انت وياها البيتزا )
* وآخيرا .. باب ماجاء في هش الذباب

بعدما تصف شعورك الحآلي .. ياليت تقولي وتقول لـ المتابعين
* متى يآخي بنشوف جديدك .. متى يآخي متى متى متى <~~~ صوت المتابعين :d


/ْ

وآخيرا .. وبعيدآ عن المنتديات وعآلمهآ

خليك بالشارع
* هل تعطينا نبذة مختصرة لـ بطاقتك الشخصية وشهادة ميلادك
بدون ذكر آسم الوالدة بناء على طلبك :d .. وترى ودي من مبطي آعرف مسقط رآسك بآي ديرة :d

* حدثنا عن مستواك التعليمي .. ولآي مرحلة وصلت ولآي مرحلة نآوي تكمل !!

* حدثنا عن قرار آنتقالك لـ عش الزوجية .. هل هو كآن بـ رغبتك الشخصية دون آلحاح عليـك
من آطرآف خآرجيـة .. آو كآن الموضوع مهب على بآلك وذكروك فيـه ومسكت معـك على زوآج !!

* آيضا ياليت لو تحدثنا الله مير يحييك .. عن حريتك قبل الزواج وبعدهـآ :d


،~

وآسمحلي طآل عمـرك .. رآح يتم تمديد آستضافتك إلى يـوم الآثنيـن تآلي الليـل
لآنتدردش معـك وقتـآ آطـول الله مير يحييـك ويسلمـك .. وآبدآ لآتخآف لاتقول آخاف نضغطكم
بـ الاستضافات .. آبدا مسنعين الآمـور .. آهم شيء رآحتـك الله يسلمـك
خذ هالوردة :rose:

[خليك بالشارع]

جلب لب

صباح / مساء الديلوكس :d ..

أبو بندر, أجوبه تجذب القارئ
تخليه غصبا عن ابوه يكمل:biggrin:

الله يسلمك .. من ذوقك طال عمرك :rose:

*لاحظت ومن خلال تعاملك وردودك وقلت ملاحظاتك إنك شخص" حليم ", هل هالصفه جد موجوده فيك أو فهمي على قدي ؟!

ولله الحمد انا حليم بالتطبع لست بالطبع وذلك اقتداء بحبيبنا محمد صلى الله عليه وسلم .. انا حليم حتى يتعامل الواحد مع حلمي على اساس انه ضعف او خوف عندها ابدا اكشر له عن انيابي .. لأني بطبعي الحقيقي عصبي وسريع الغضب بس احاول اتطبع بالحلم لأنها صفه طيبه وتكسبك محبة الناس :rose:

والعصبية وسرعة الغضب عادةً ما تورث الندم ..

* كل شخص ناجح معرض للقيل والقال كييف يتعامل خليك بالشارع مع الشائعات:tongue: ؟؟

اعطيها اشكل لأنها في يوم من الأيام راح تكذب نفسها بنفسها .. مهيب مستاهله حرقة الدم ..

* هـل القنـاعه في رأيك مثل نظر البعض بأنها " كنز لايفنى " ؟؟ ، وهل انت قنــوع ؟

يقول الإمام الشافعي رحمه الله تعالى :
وقنوع المرء يحمي عرضه *** هل قرير العين الا من قنع

انا من وجهة نظري ان كل الصفات الطيبه صعبه ومحفوفه بالمكاره وفيها حرمان للنفس من الملذات ولكنها بالأخير تُكسب محبة الله ثم الناس ان شاء الله .. ولذلك احاول جاهداً اتطبع بالقناعه .. واسأل الله تعالى ان يرزقني اياها ..

*صفه أطلقت عليك [ مراراً وتكراراً ] .!؟

اني عجل ودايم مستعجل .. وطبعاً فيه صفات ثانية حلوه تنقال عني كثير بس اخاف اقولها ثم تقولين عن نصاب ولا مغرور :d

* ماهي السعاده بنظرك ؟؟

السعادة بنظري اني اذا حطيت راسي على المخدة بالليل واسترجعت يومي ووش صار فيه لقيته مليء بأمور ترضي الله عني ان شاء الله .. فأنام قرير عين ..

*أي المقولتين تؤمن بهما أكثر:

"كل تأخيرة وفيها خيرة" or "خير البر عاجله"

خير البر عاجله طبعاً :rose:
<=== عجل :d

*عضو في جسد اللقافة ، تمنيت أن تكون مكانه أو بالأحرى [ تمتلك شخصيته ] .!

كثير والله مهوب عضو والا ثنين ولله الحمد :)

* { زدت الطــين بله } < قد سمعها أبو بندر ؟ ومنهو اللي قالها له ؟ ولماذا:7arrah: ؟

اكيد سمعتها بس والله ما اذكر اي حادثه الحين وعجزت اتذكر بصراحه .. من زمان ما زدت الطين بله :d

ولي عودة للبقيه ان شاء الله .. ابروح افطر :)

[خليك بالشارع]

قرنـ!سة :rose:

* شيء تحسه ينقص المنتدى ؟

كتاب ساخرين في بروكلين

* شيء تتمناه ومالمسته بالطاقم الاشرافي ؟

تقريباً المشرفين ماهم مقصرين الله يعطيهم العافيه .. وبالعكس ماشين على خطى المنتدى واحسن بعد .. ونشاطهم بالفعاليات الرمضانية ادهشتني بصراحه وحبيتها كثير ..

* شيء يعجبك بالمنتدى ؟

ترابط الأعضاء والإدارة وتآلفهم ما شاء الله تبارك الله علينا .. يعني احس كننا اسرة وحده في بيت :d .. وطبعاً لابد تصير بعض المشاكل والخلافات البسيطه بين فترة وفترة ولكنها ان شاء الله خلافات ومشاكل صحيه ..

* ماتحس إن إقلالك بالردود يؤثر سلباً على المنتدى ؟

إلا والله بسما باليد حيله .. ولو كان عندي الوقت للتواجد في كل موضوع واعطاء كل موضوع حقه من المتابعه والردود اجل ما راح احتاج لمشرفين :) .. اعتبروني مجرد راعي رسمي للمنتدى وعضو عادي ..

* سبب إبتعادك عن الكتابه وطرح مواضيع ساخره ؟

الكتابه بالنسبة لي مثل القراءة يبيلها تركيز وهدوء وعزله وراحه نفسيه وهالشي صار صعب يتوفرلي الحين بعد الدوام ومشاكله والزواج والأطفال .. وفوق ذا كله تقدمي بالسن خلاني اثقل شوي وانشغالي بالمنتدى من نواحي فنية واداريه .. ولكني ما اعلنت اعتزالي وما زلت اقول ان شاء الله لي باك مع القصص الساخره :)

* هل مازلت متابع للروايات والكُتاب الساخرين ؟

لا بصراحه .. الا اذا انكتب شي في بروكلين :d

* هل تعتبر فتره كتابتك للروايات الساخره طاقه في وقت معين وإنطفت !

احسها موضه وانتهت اذا تبين الصدق .. ولكن الطاقه والقدره ما زالت موجوده ان شاء الله ..

* ألآ تعتقد بإن الابتعاد عن عالم الكتابه الساخره
يفقدك الإلهام أو المهاره الي لمستها في نفسك بفتره معينه ؟

بالنسبه لي الابتعاد عن الأشياء الي كنت اتقنها لفترة معينه شيء صحي .. لأني اذا رجعت لممارستها من جديد ارجعلها اقوى وامهر من الأول ..

* هل تعتبر نفسك شخصيه قيادية ؟ وكم تقيم نسبة قياديتك !

ليس تماماً .. احب العمل ضمن المجموعه ..

* هل تحيي من يطبل ويهلل لك بغيه الفرار من مقص الرقيب :d ؟
وتعتبره ذكاء وتملق ! أم نفاق وتلعن خيره :5eshah5abeetah: ؟

لا أحيي المتملقين ولا احبهم وازهق منهم ولكن لا تنسين ان هناك شعره رفيعه جداً بين الصراحه والوقاحه .. فينبغي الحذر باستخدام الصراحه .. ولا مانع من التهذب واللباقة .. لن التملق محد يحبه ..

بس ما اعتبره ذكاء ولا العن خيره .. ازلبه ولا اعطيه وجه بس :) ..

* هل طفشت من المنتدى :yahoobiggrin: ؟ <- خربتها ع الاخير:fahawah: خخ

لا والله .. بس طفشت من ركود بروكلين لأني كنت معلق الكثير من الآمال عليه .. وصدقوني هو شريان حياة المنتدى ..

أتمنى ماثقلنا عليكْ

اخت وعزيزه .. واشكركم لانكم اعطيتوا موضوعي وجه :d

[خليك بالشارع]

اسألتك يابو بس اهاا يبيلها مواضيع :da5:

* في البداية وقبل نطب في العميق .. ياليت تحدثني وتحدث جمهورك المتعطش المتبطح خلف الشاشات
عن جميع مايتعلق في بداية معرفتك ودخولك لـ عالم الانترنت بشكل عام والمنتديات بشكل خآص
وكيف قدرت تثبت وجود ( خليك بالشارع ) .. بين فطاحلة اليوزرات السآخرهـ على آيام عزهآ !!

باختصار بداية معرفتي بالنت كانت في سنة 1997 ميلادية قبل لا يدخل الانترنت السعودية بحكم دراستي الجامعية بالخارج .. وفي سنة 1999م ومع بداية الثورة الانترنتية السعودية صرت ادخل على موقع بناتين واشوف البنات وش يقولون واحاول اتثقف واتعلم :d ..

وفي سنة 2000م دلني واحد من الزملاء على منتدى الاقلاع ودخلته وكان شكله غريب ومختلف عن المنتديات العربية الثانية الي كانت موجوده في ذاك الوقت .. وسجلت معهم باسم ماصل لا يقل مصاله عن خليك بالشارع .. وبعد فتره سجلت باسم ثاني وبعد فتره فتحوا التسجيل والتفعيل وادهرت بالتسجيل الين صار عندي 10 يوزرات اقلاعية .. وكلها لم يكتب لها الله التوفيق .. حتى جتني فكره جهنمية تعتمد على الاستظراف الانتحاري المشاكس باسم جديد هو خليك بالشارع فلقد زهقت من الرسميه .. وصرت استظرف على الرايح والجاي في وقت كان الاستظراف على المشرفين في الاقلاع يُعد انتحاراً .. وانا كنت بايعها لأن اليوزر ما كنت ابيه اصلاً وان تلحط بالحاير عادي جداً .. ولكن للأسف .. نشب يوزر خليك بالشارع بحلقي عندما بدأت تتكون له قاعده جماهيريه عريضه ومن هنا بديت اعيش الدور وكتبت موضوع اقلاعي ماصل كنت متأكد مليون بالميه انه بيروح للماصله .. وهنا تحققت المعجزه وتثبت وراح للمميزه ومن يومها خذيت مقلب بنفسي وصرت اكتب وهم يثبتون والناس تمدحني :d ..

اذن فعلاً هذا هو مثلث النجوميه : 1- الثقة بالنفس 2- الجرأة 3- عدم الخوف .. وهذا ما تواجد في خليك بالشارع كيوزر من اول يوم سجل فيه بالاقلاع ..

* وآيضا ياليت تحدثني وتحدث جمهورك المتشقق خلف الشاشات عن محاولاتك الآوليه في كتابة
القصة / المقالة الساخرهـ .. وكيف كان تآثير ردود آفعال المتلقين لهآ على نفسـك !!
وياليت تكون آجاباتك بـ كل آسهآب طال عمرك :coolsmoker:

محاولتي الأولى كانت موضوع مدري وش يبي واتفشل منه اليوم كثير وربي .. كان عنوانه في جهة ومقدمة الموضوع في جهة ونص الموضوع في جهة وخاتمة الموضوع في جهة .. مع قليل من الإسهاب والزبرقه في الكتابة يعني انتبهوا تراي بذلت مجهود بالموضوع :d .. وتثبت .. وإلى اليوم اعتقد سبب التثبيت كان تشجيع لي اكثر منه اعجاب بهالموضوع المخيس :d .. ولكن التثبيت بالاقلاع ذاك الوقت كان يعطي دفعه للأمام ..

فيما مضى من الوقت .. وحينما كنت آشاهد يوزرك في المنتديآت التي تشآرك فيهآ
كنت آقول في نفسي .. يآصبر الآرض :d
لكن .. آضطريت يوما ما / آن آدخل آحد الموآضيع التي تم تثبيتهآ لك في آحد المنتديات اللي كنت مشرف فيهآ .. وكنت مغصوب آدخل الموضوع :d .. لكن قلت وقتها آنا والله اللي يآصبر الآرض مهب هالآطخماني
وكآن آول موضوع قرآته لك هو رواية مصاص الدمـاء .. وبدآت متابعتك آولآ بآول :rose:

* فـ ودي آعرف كم آستغرقت في كتابة هالروآية اللي لو قرآهآ نجيب محفوظ قبل يموت
كآن آصابه مرض العنقز ,, وآيضا الآجواء اللي كنت عآيشهآ خلآل مرآحل كتابتك لـ هالروآية !!

ابد ما خذت معي ساعتين :d
الصحيح حسب ما اتذكر خذت معي اسبوع-اسبوعين للتنقيح لأن القصه كانت فكرتها واحداثها بسيطه :)
بس وش هالمنتدى الي كنت مشرف فيه؟! :blink:

اما الأجواء كانت اجواء دافئه وبديت كتابة القصه بعد نص الليل والجو هدوء والأهل نايمين ..

خليك بالشـارع .. آنحرمت جمآهيرك من الاستمتاع بـ فنك السآخـر !!

* مالآسبـآب اللي جعلـت خليـك بالشـارع مقل وبقـوة عن آيـآم آول بـ الكتابـة !!

انا الحين منيب مقل الا تقريباً متوقف للأسف :frown: ولكن الأسباب نفس الأسباب الي ذكرتها لقرناسة فوق .. واعيد ذكرها من جديد ..

الكتابه بالنسبة لي مثل القراءة يبيلها تركيز وهدوء وعزله وراحه نفسيه وهالشي صار صعب يتوفرلي الحين بعد الدوام ومشاكله والزواج والأطفال .. وفوق ذا كله تقدمي بالسن خلاني اثقل شوي وانشغالي بالمنتدى من نواحي فنية واداريه .. ولكني ما اعلنت اعتزالي وما زلت اقول ان شاء الله لي باك مع القصص الساخره

صف لي شعورك الحآلي حينما تتذكر مايلي /~

* رواية الجميلة والتمساح .. رواية من الأدب السعودي
* السيد خليك بالشارع .. رئيس بلدية مدينة السعبولة
* رواية بائع البيتزا ( والقطعة اللي رحتوآ توصل انت وياها البيتزا )
* وآخيرا .. باب ماجاء في هش الذباب

بعدما تصف شعورك الحآلي .. ياليت تقولي وتقول لـ المتابعين
* متى يآخي بنشوف جديدك .. متى يآخي متى متى متى <~~~ صوت المتابعين :d

رواية الجميلة والتمساح: اقول يا شين التفكير بصوت عالي بس :d
السيد خليك بالشارع .. رئيس بلدية السعبولة: مسوي هادف :d
رواية بائع البيتزا ( والقطعة اللي رحتوآ توصل انت وياها البيتزا ): استعجلت بطرحها وفكرت قبل كذا بإعادة كتابتها من جديد بسيناريو مطور :d
باب ماجاء في هش الذباب: من جد مستغرب .. وشلون صرت من كبار مقلعين القهوة :d

* هل تعطينا نبذة مختصرة لـ بطاقتك الشخصية وشهادة ميلادك
بدون ذكر آسم الوالدة بناء على طلبك :d .. وترى ودي من مبطي آعرف مسقط رآسك بآي ديرة :d

والله يا غالي انا ارفض ربط اسم خليك بالشارع بأي انتماء مناطقي غير اسم السعودية بصورة عامه .. من مواليد 1977م متزوج ولي من الأطفال ولد وبنت الله يصلحهم ويحفظهم ويبارك فيهم ..

* حدثنا عن مستواك التعليمي .. ولآي مرحلة وصلت ولآي مرحلة نآوي تكمل !!

جامعي ولله الحمد .. وناوي اكمل ماجستير ودكتوراه ان الله يسرها ان شاء الله ..

* حدثنا عن قرار آنتقالك لـ عش الزوجية .. هل هو كآن بـ رغبتك الشخصية دون آلحاح عليـك
من آطرآف خآرجيـة .. آو كآن الموضوع مهب على بآلك وذكروك فيـه ومسكت معـك على زوآج !!

والله سالفة زواجي سالفة طويله ترددت كثيراً في كتابتها بصورة هزلية كقصة انشرها وبالأخير هونت :d

* آيضا ياليت لو تحدثنا الله مير يحييك .. عن حريتك قبل الزواج وبعدهـآ :d

حريتي بعد الزواج صارت اكبر طبعاً ( انت وش رايك يعني!! :d )

وآسمحلي طآل عمـرك .. رآح يتم تمديد آستضافتك إلى يـوم الآثنيـن تآلي الليـل

نو بروبليم واتمنى اني ضيف خفيف على قلوبكم :rose:

[اهاا بس اهاا]

بس وش هالمنتدى الي كنت مشرف فيه؟!

تذكر دزني وآطيح !! آبدا كنت هناك يوما ما وحدث ماحدث واختفى ماختفى :d
( فيس كاتمن الضحكة ويغمز لواحدن من الزوار )


***


عودة مجددا لـ التدرداش مع الكاتب الروائي الكبير خليك بالشارع
آظن الاغلبية مايدرون وش سالفة لقب الكاتب الروائي الكبير :d

خليك بالشارع .. وجريدة الراية القطرية .. من هنيتـا (http://www.raya.com/site/topics/article.asp?cu_no =2&item_no=120267&version=1&template_id=140&parent_id=139)

* ماهو شعورك حينما نشرت جريدة الراية القطرية .. وحدتن من رواياتك
ووشلون عرفت آنه تم نشرها !؟ وما ردود افعال من حولك بعد النشر !؟


.ْ

لو تم تجميع رواياتك ومقالاتك .. راح نطلع بـ كويتب شحليله

* مافكرت بـ يوم من الآيام تنزلهآ فـ الآسوآق !؟

[ مع العلم آن السوق يفتقر بقوة لمثل هالكتيبات ]


.ْ


* وش آفضل مرآحل حياتك من جميع النوآحي سواء كانت دآخل النت آو خآرجه !!


.ْ

* ماوصلتك عروض آو ماعرض عليك المشاركة في ورشة عمل كتابة سيناريوهات مثل طآش وغيرهـ !!
ولو مثلآ ماعرض عليك الى الآن .. وتم العرض عليك الآن .. هل رآح تقبل العرض !!


.ْ

* آي من الكركترات غير الكرتكر السآخر .. يجيدهـ خليك بالشارع !؟



***


وآعذرني ع الآطالة .. وهي والله فرصة ماتعوّض يابوبندر :rose:

[Mero]

السلام عليكم ورحمة الله وبركاته
سجل اعجابي الكبير بأجاباتك يبو بندر , وحنكتك الساسيه في الإدارة
وفسرت لي اشياء كثيرة كنت غافله عنها .. او كانت مبهمه لي إلى وقت تسجيلي هنا
اثبت بكلامك اننا عندنا راجل قدع مفيش منو .. فلـ تنطلدز وحنا وراك ..

وخلني انا أبدأ الإنطلادز بالاسئلة ..
فلـ تعتدل بجلستك وياحبذا لو ناديت ع المدام بكاس شاهي حبق عشان ينظبط الجو :d
اسئلتي قسمهـا قسمين .. [ شخصيه ] و [ بخصوص المنتدى :d ]
وببدأ بالقسم الثاني :

السؤال الأول :
مابي اكرر اعجابي بمنتداك من وإلى .. وانك احسنت اختيار مسمياته ووصفهآ .. وانتقاءك لستايلك الفريد كلْلْ نجاحه
لكن !! .. وياساتر من لكن
أفتقد عنصر الأعضاء .. وإنتمائهم للمنتدى .. مو كلهم .. بعضهم !
نلاحظ كثرة المسجلين بشكل يومي .. ولانلاحظ تفاعلهم ؟
نشوف المواضيع الي تنزل .. ولكن بعضها قد تكون نادرة لإستقبال الردود
وان سرت بعينك في ارجاء المنتدى تلاحظ معي وقت ادراج المشاركات بأقسامه
فـ اقربها تصل للـ6 ساعات .. وبعضها يطق الشهر و بعض الأقسام تكش ذبان
وش هو السبب بوجهة نظرك ؟! .. منتداك مو قاصره شي .. وانت تفننت بالأعلان عنه بكل مطرح
يعني كملت شغلك ومو باقي إلا استقبال الأعضاء .. وين هم الأعضاء ؟ .. وش الي مانعهم


,


السؤال الثاني :
كل قسم من اقسام منتداك .. يحتوي على دستور .. ترفض قطعيا ان يخرق ولو بالنزر القليل
وانت حازم بذا الموضوع وماتقبل فيه اي نقاش .. طيب ليه مايكون هناك بعض المرونه بالشروط ؟!
نجد ان قسم الكاتراز كسر الرقم القياسي بكثرة المواضيع التي تنجدع فيه كل اسبوع وان ماكان كل يوم
ماقد فكرت انك تسلك لبعض المواضيع وتتركها .. تشجيعا لكاتبها مع اضافه بعض التنبيهات
وليس فقط جدعه بالكاتراز والسلامو عليكم .. اعتقد ومن وجه نظري .. حلو الواحد يلتزم بشروط معينه
لكن مو حلو الـ تزمت فيه بل لابد من وجود بعض من المرونه .. بالأخص ان كان الموضوع حلو ومانقصه إلا شرط او شرطين
فـ يعور انه ينقل للكاتراز عشان هالشرطين .. :d .. ليه مايعدل على الموضوع او ينذر صاحبه
ونكمل حنا ردودنا عليه .. خصوصا ان هالشي يقتل روح الحماسه بالأعضاء وأن ماكان ابداعهم



,


السؤال الثالث :
لك يوزر .. وللإدارة النموذجيه يوزر
ذا شي حلو ومعتمد بأغلبيه المنتديات . . حفاظاً على هيبه الأدارة ان تراق
وصنع لها برج تعكف فيه حتى نحسس الأعضاء ان ادراتهم شي خطير
طيب .. اشوفك معتمد هالمنطق .. ومو مطبق كل بنوده :d
يعني بيوزر خليك بالشارع .. مانشوفك إلا وين وين .. وبردودك تحسسنا انك كاشخ بكوبرا ومرتز وذا يخلينا نتحاشاك ومانقط الميانه معك
فلماذا ماتخش معنا وتعطينا جونا .. فما آحلا من ان اقول لك تلايط وانت تقولي ضفي وجهتس .. :d




’
مابي اطول عليك .. خصوصا ان سؤالي الواحد عن عشره اسئلة ..
وانت رب اسرة ومنيب ناويه اشغلك عنهم :d
معليش لو جيت متأخره ..